Եփեսացիս 1

Պատկերացրեք, որ դուք ունեք մի ընկեր, որը նոր է միացել Եկեղեցուն:

• Ի՞նչ մտքեր և մտահոգություններ կունենաք նրա հետ կապված:

• Ի՞նչ կարող եք անել, որպեսզի օգնեք ձեր ընկերոջը մեծացնել ավետարանի իր իմացությունը և հավատարիմ մնալ իր ուխտերին:

Եփեսացիներին ուղղված իր նամակում Պողոս առաքյալը դիմեց Եփեսոսում և մոտակա տարածքներում գտնվող Սրբերին: Նրա նպատակն էր զորացնել նրանց, ովքեր արդեն Եկեղեցու անդամ էին, և օգնել նորադարձներին՝ զարգացնելու իրենց հոգևոր գիտելիքը, ու հավատարիմ մնալ իրենց ուխտերին։ Այս նամակում ուսուցանված վարդապետությունները ներառում են նախակարգումը (տես Եփեսացիս 1.4–6), Սուրբ Հոգու կնքման զորությունը (տես Եփեսացիս 1.13–14), մարգարեների և առաքյալների կարևորությունը (տես Եփեսացիս 2.19–22), մեկ ճշմարիտ և միասնական Եկեղեցու գաղափարը (տես Եփեսացիս 4.1–7) և Եկեղեցու շրջանակներում կատարվող տարբեր ծառայություններ, կոչումներ և գործառույթներ (տես Եփեսացիս 4.11–14):

Իր օրերի անդամների զորացմանն ուղղված Պողոսի մեկ այլ վարդապետությունը խոսում էր վերջին օրերում ավետարանի վերականգնման մասին:

• Ձեր կարծիքով, վերջին օրերում ավետարանի վերականգնման մասին իմանալը ինչո՞ւ ուժ տվեց Պողոսի ժամանակներում ապրող Սրբերին:

Այս դասի ընթացքում վերականգման մասին ուսումնասիրելիս մտածեք, թե այս վարդապետությունն ինչպե՞ս է ամրապնդում ձեզ հավատքը առ Հիսուս Քրիստոս:

Տնտեսությունը մի ժամանակաշրջան է, երբ Տերը բացահայտում է Իր ճշմարտությունները, քահանայության իշխանությունն ու արարողությունները երկրի վրա գտնվող մարդկանց: Աշխարհի պատմության ընթացքում գոյություն են ունեցել ավետարանի բազմաթիվ տնտեսություններ:

Եփեսացիներին ուղղված նամակում Պողոսը մարգարեացավ հատուկ տնտեսության մասին: Կարդացեք Եփեսացիս 1.10 հատվածը՝ փնտրելով, թե ինչ հատուկ տնտեսության և մեր օրերում կատարվելիք իրադարձությունների մասին է մարգարեացել Պողոսը:

• Ո՞ր ապագայի մասին է Պողոսը խոսում Եփեսացիս 1․10-ում:

• Ըստ Պողոսի մարգարեության, ի՞նչ կպատահի «ժամանակների լրիվության տնտեսության» ժամանակ:

Անցյալ տնտեսությունների ժամանակ Տերը Իր մարգարեներին հայտնեց բազմաթիվ ճշմարտություններ, սուրբ գրություններ, ուխտեր և զորություններ: Եփեսացիս 1-10-ից մենք կարող ենք սովորել հետևյալ ճշմարտությունը. Ժամանակների լրիվության տնտեսության ժամանակ նախկին տնտեսությունների բոլոր բաները կվերականգնվեն:

Պատկերացրեք, որ հետևյալ նկարում գետերից յուրաքանչյուրը ներկայացնում է ավետարանի տնտեսություն:

• Ինչո՞վ է ժամանակների լրիվության տնտեսությունը նման ջրային ավազանին՝ իր մեջ թափվող գետերով:

Յոթանասունից երեց Բ. Հ. Ռոբերտսը (1857–1933) վկայել է, թե ինչ է տեղի ունենալու ժամանակների լրիվության տնտեսության ժամանակ:

Սա է ժամանակների լրիվության տնտեսությունը, և մենք տեսնում ենք, որ նրա մեջ ամփոփվում են բոլոր նախկին տնտեսությունները՝ ինչպես զորեղ գետերը սրընթաց հոսում են դեպի օվկիանոս, մեզ կապելով իրենց հետ, և իրենք էլ կապվելով մեզ հետ, և մենք հասկանում ենք, որ ի սկզբանե Աստված իր տեսադաշտում ունեցել է մի մեծ նպատակ, որը Իր զավակների փրկությունն է: Եվ այժմ եկել է վերջին օրը, վերջին տնտեսությունը, երբ ճշմարտությունը, լույսը և արդարությունը պետք է հեղեղեն երկիրը:

(Բ. Հ. Ռոբերտս, համաժողովի զեկույցում, հոկտեմբեր 1904, 73)

• Նախորդ տնտեսությունների ո՞ր ճշմարտությունները, սուրբ գրությունները, ուխտերն ու զորություններն են վերականգնվել կամ առաջ բերվել ժամանակների լրիվության տնտեսության մեջ:

Պատմական 2020 թ. ապրիլի գերագույն համաժողովի ժամանակ, որը նվիրված էր Հիսուս Քրիստոսի ավետարանի վերականգնման սկզբի 200-րդ տարեդարձին, Նախագահ Ռասսել Մ. Նելսոնը ներկայացրեց «Հիսուս Քրիստոսի ավետարանի լրիվության վերականգնումը. Երկուհարյուրամյա հռչակագիր աշխարհին» հայտարարությունը (ChurchofJesusChrist.org): Կարդացեք այս հայտարարությունը՝ մտածելով, թե ձեր կյանքն ինչպես է օրհնվել Հիսուս Քրիստոսի վերականգնված ավետարանի շնորհիվ:

• Վերականգնման հայտարարության ո՞ր մասերը կարևորեցիք:

• Ինչո՞վ կկիսվեիք Եկեղեցու անդամի հետ, ոըը համոզված չէ, թե արդյոք հավատում է Վերականգնմանը, կամ նրա հետ, ով չի զգում, որ այն կարևոր է իր համար:

Մի պահ հիշեք բոլոր դեպքերը, երբ Հիսուս Քրիստոսը օրհնել է ձեր կյանքը Իր վերականգնված ավետարանի շնորհիվ:

1:7

• Վերականգնման ո՞ր կողմերի համար եք հատկապես երախտապարտ: Ինչպե՞ս են դրանք ազդել ձեր կյանքի վրա:

• Ձեր կարծիքով, Տերն ինչ է ցանկանում, որ դուք անեք՝ Իր շարունակական Վերականգնմանը մասնակցելու և ուրիշներին Նրա մոտ հավաքելու համար:

Մարգարե Ջոզեֆ Սմիթն (1805–1844) ուսուցանել է.

Այն տրված է մեզ, որպեսզի տեսնենք, մասնակցենք և օգնենք առաջ տանել Վերջին Օրերի փառքը, «ժամանակների լրիվութեան տնտեսութեան համար, որ ամեն բան բովանդակուի Քրիստոսումը, ինչ որ երկնքումն է՝ եւ ինչ որ երկրումը, նորանում» [տես Եփեսացիս 1.10]: [Սա] մի աշխատանք է, որի մասին Աստված և հրեշտակները հաճույքով են խորհել անցյալ սերունդների ընթացքում, որը խանդավառեց հնադարյան հայրապետերի և մարգարեների հոգիները, մի աշխատանք, որը նախատեսված է առաջ բերել խավարի զորությունների կործանումը, երկրի նորացումը, և մարդկային ընտանիքի փրկությունը»:

(Տես Եկեղեցու Նախագահների ուսմունքները. Ջոզեֆ Սմիթ (2007), 513-15)

6:55

Տասներկու Առաքյալների Քվորումից Երեց Դեյվիդ Ա. Բեդնարը բացատրում է ավետարանի տնտեսությունները և մեկնաբանում, թե ինչու է այս վերջին տնտեսությունը եզակի:

2:55

Ավետարանի վերականգնման բացատրություն

4:43

Մաս 2. Երիտասարդները կիսվում են Վերականգնման մասին իրենց վկայություններով, և պատմում, թե ինչպես է այն փոխել իրենց կյանքը: Հիմնված է 2016 թվականի հոկտեմբերին երեց Քրեյգ Ք. Քրիստենսենի կողմից տրված ելույթի վրա:

4:44

Երիտասարդ տղամարդիկ և կանայք կիսվում են, թե ինչպես են Վերականգնման հետ կապված իրադարձությունները շատ իրական ազդեցություն թողնում իրենց առօրյա կյանքի վրա:

2019 թ. հոկտեմբերի գերագույն համաժողովին նախագահ Ռասսել Մ. Նելսոնը կիսվել է տաճարային երաշխավորագիր ստանալու համար տրվող հարցազրույցի հարցերով, որոնց թվում է «Դուք ունե՞ք վկայություն Հիսուս Քրիստոսի ավետարանի Վերականգնման մասին» (տես «Ամփոփիչ ելույթ», Ensign կամ Լիահոնա, նոյեմբեր 2019, 121):

Մտածեք, թե այս հարցն ինչու է ընդգրկված որպես Տիրոջ տուն մտնելու պայման: Շարունակվող Վերականգնումը հասկանալը, դրան հավատալը և մասնակցելը ինչպե՞ս կարող են ազդել Երկնային Հոր և Հիսուս Քրիստոսի հետ ձեր հարաբերությունների վրա:

Առաջին Նախագահությունից նախագահ Դիտեր Ֆ. Ուխդորֆը խոսել է Վերականգնման շարունակական բնույթի մասին:

Երբեմն մենք մտածում ենք ավետարանի Վերականգնման մասին որպես մի երևույթի, որն ավարտվել է, արդեն իսկ իրականացել է. Ջոզեֆ Սմիթը թարգմանել է Մորմոնի Գիրքը, նա ստացել է քահանայության բանալիները, Եկեղեցին կազմավորվել է: Իրականում վերականգնումը շարունակվող գործընթաց է. մենք ապրում ենք դրանում հենց հիմա: Այն ներառում է «այն ամենը, ինչ Աստված հայտնել է, այն ամենը, ինչ Նա այժմ հայտնում է» և «շատ մեծ ու կարևոր բաներ», որոնք «Նա դեռևս հայտնելու է» (Հավատո Հանգանակ 1.9): Եղբայրնե՛ր, ներկայիս իրադարձություններով լի զարգացումները մասն են կազմում վաղուց նախատեսված այն նախապատրաստական շրջանի, որն իր գագաթնակետին կհասնի մեր Փրկչի` Հիսուս Քրիստոսի փառավոր Երկրորդ Գալստյան ժամանակ:

(Դիտեր Ֆ․ Ուխդորֆ, «Դուք քնա՞ծ եք Վերականգնման ընթացքում» Ensign կամ Լիահոնա, մայիս 2014, 59)