Atamai i Aoaoga Faavae Toe Faamanatu 13

Tauloto Mau Faasino ma Fasifuaitau Autū o Mau

A young woman sitting at a table in her home. Books and papers are spread out in front of her. She is holding a pen.

O le manatuaina o le mea e maua ai fuaitau o mau ma mea latou te aoao atu e mafai ona fesoasoani ia te oe pe a e faasoa atu upumoni o le talalelei i isi. O lau suesuega i le aso nei ua faamoemoeina e fesoasoani ia te oe e tauloto ai mau faasino ma fasifuaitau autū o mau mo nisi o fuaitau o le atamai i aoaoga faavae mo le Feagaiga Fou.

Sauniuniga a le tamaitiiti a’oga: Valaaulia tamaiti a’oga e faataitai le taulotoina o fasifuaitau autū o le atamai i aoaoga faavae ma mau faasino i se auala e aogā ai mo i latou. Mafaufau e tuuina atu le siata o loo aofia i lenei lesona, pe valaaulia tamaiti a’oga e faaaoga le polokalama o le Atamai i Aoaoga Faavae pe a maua.

Gaoioiga E Ono Mafai Ona Aoao Mai Ai

O se lesona o le fuaitau o le atamai i aoaoga faavae atonu e manaomia ona aoao atu e suitulaga i lenei lesona toe faamanatu. Taga’i i le faasologa faatulagaina o lesona ua saunia e le faatonu o le eria po o le itulagi po o le taitai faamaopoopo ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.

Tauloto fasifuaitau autū o mau e faaaoga ai ata

O lenei lesona e mafai ona fesoasoani ia te oe e toe faamanatu ai fuaitau o mau nei o le atamai i aoaoga faavae ma mafaufau pe mafai faapefea e upumoni o loo aoaoina mai ai ona fesoasoani ia te oe i le tele o tulaga. Afai e te le’i faailogaina nei fuaitau o mau ma a latou fasifuaitau autū i au tusitusiga paia, mafaufau ia faia.

Mau Faasino	Fasifuaitau Autū o Mau
1 Korinito 6:19–20	“O lou tino o le malumalu o le Agaga Paia.”
1 Korinito 11:11	“E leai se tane pe a le o i ai le fafine, e leai foi se fafine pe a le o i ai le tane, i le Alii.”
1 Korinito 15:20–22	“Aua faapei ona oti uma ia Atamu, e faapea foi ona faaolaina uma ia Keriso.”
1 Korinito 15:40–42	I le Toetutū, e tolu tikeri o le mamalu.

O le faaaogaina o faalogona ma tomai e tele e mafai ona fesoasoani i tamaiti a’oga e tauloto ai se mea. O le gaoioiga lenei e fai atu i tamaiti a’oga e tusi ni faailoga faigofie e fesoasoani ai ia i latou e manatua aoaoga o nei fuaitau o le atamai i aoaoga faavae. Tufa atu ni pepa faamatalaga laiti po o ni pepa laiti se fa mo tamaiti a’oga taitasi e faaaoga i lenei gaoioiga. Ia nofouta ia i latou o e atonu e lagonaina e lē lava ni o latou tomai tusiata pe fatufatua’i. Mafaufau e valaaulia tamaiti a’oga e galulue i ni paga po o ni vaega toalaiti.

Tusi se ata e faapupula mai ai le fasifuaitau autū

O ata ma isi faailoilo vaaia e mafai ona fesoasoani ia i tatou e manatua ai faamatalaga taūa. Mafaufau pe mafai faapefea e le faaaogaina o mea faitino vaaia ona fesoasoani ia te oe e manatua ai mau faasino ma fasifuaitau autū.

Mo le gaoioiga lenei, faamolemole filifili faailoga po o faatusa e masani ai tamaiti a’oga.

O a mea o faapupula mai e faatusa nei?

O faataitaiga nei o fuaitau o le atamai i aoaoga faavae o loo faaalia e faaaoga ai faatusa po o ata. Tilotilo i ata, ma vaai pe mafai ona e faailoa mai se fuaitau o le atamai i aoaoga faavae ma lona fuaitau autū o le mau.

Faaali atu ata nei. O le tali sa’o mo le ata muamua o le “ 1 Korinito 6:19–20 : ‘O lou tino o le malumalu lea o le Agaga Paia.’” O le tali sa’o mo le lona lua o le “ 1 Korinito 15:40–42 : I le Toetutu, e tolu tikeri o le mamalu.”

A person with an equal sign and a temple

Spot images representing the kingdom of the plan of salvation. Sun, Moon, Stars

A o faia e tamaiti a’oga le gaoioiga lenei, valaaulia i latou e tuu a latou ata taitasi i luga o ni tama’i pepa eseese mo faamatalaga. Mafaufau e faamapu’e tomai fatufatu o tamaiti a’oga i a latou ata. E mafai ona faia lenei mea i le fai atu i ni nai tamaiti a’oga e faaali mai se tasi o a latou kata i le vasega. E mafai ona avea lenei mea o se avanoa lelei e faaaofia ai tamaiti a’oga o e atonu e le o matuā auai punoua’i i le vasega. I se isi foi faiga, mafaufau e valaaulia tamaiti a’oga e tusi a latou faataitaiga i luga o le laupapa, po o le, a uma le vasega, tautau a latou faataitaiga i totonu o le potu a’oga.

I luga o pepa faamatalaga laiti eseese po o ni fasi pepa laiti e fa, toe tusi fuaitau taitasi o fuaitau o le atamai i aoaoga faavae na lisiina muamua. I le itu faafeagai o pepa laiti taitasi, fatu se ata e fesoasoani ia te oe e manatua ai fasifuaitau autū. E mafai ona e tusia ni au lava ata pe faaaoga ni mea faitino vaaia e pei o ata kilipi, emoti, po o ata pu’e. O lenei gaoioiga e lē manaomia ai ona avea oe o se tusiata talenia. O lau ata e tatau ona manatua pea ae e lē tatau ona lē migao pe ta’umamaina ai autū paia.

A uma, faaaoga au ata e iloilo ai fasifuaitau autu o mau. A ono mafai, faamatala au ata i se uo po o se tagata o lou aiga. Taumafai e manatua le fuaitau autū i le tele e te mafaia.

Faaaogaina o fasifuaitau autū o mau i le olaga

Mafaufau e avea faataitaiga nei o se tufaaga pe faaali atu o ni faataitaiga mo le vasega e vaai i ai. O tali sao o le (1) 1 Korinito 15:20–22 ; (2) 1 Korinito 6:19–20 ; (3) 1 Korinito 11:11 ; (4) 1 Korinito 15:40–42 .

Pe fatu nisi tulaga faatusa e ono sili atu ona faatatau i olaga ma tulaga o tamaiti a’oga.

Ina ia iloilo fuaitau na faato‘ā e faataitaia ona taulotoina, fai le suega lea, faailoa mai pe o le fea o fuaitau o le atamai i aoaoga faavae e mafai ona sili ona aoga i tulaga taitasi nei:

Fai mai se tamaitai talavou, “Sa ou faalogo e faapea, ona o Iesu Keriso o le a toe tutū ai tagata uma mai le oti. E sa’o lena mea?”
Ua taumanatunatu se uo pe aisea e manaomia ai ona tatou tausia lelei o tatou tino pe afai o le a tatou toetutu.
E le manatu se uo o le faaipoipoga o se mea e aoga i ai ni taumafaiga.
Faato‘ā maliu le tamā matua o se alii talavou, ma e i ai ni fesili a le alii talavou e uiga i le olaga i tala atu o le oti.