ការរំឭកចំណេះចំណានខាងគោលលទ្ធិ ១២

មេរៀនវគ្គបទគម្ពីរចំណេះចំណានខាងគោលលទ្ធិអាចបង្រៀនជំនួសឲ្យមេរៀនរំឭកឡើងវិញនេះបាន ។ សូមមើលកាលវិភាគល្បឿនមេរៀនដែលផ្តល់ដោយនាយកតំបន់ ឬអ្នកសម្របសម្រួលតំបន់ ដើម្បីធានាថា មេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀនអំឡុងវគ្គសិក្សារបស់ថ្នាក់សិក្ខាសាលា ។

សម្រាប់វិធីមួយផ្សេងទៀតដើម្បីជួយសិស្សឲ្យចូលរួមក្នុងមេរៀននេះ សូមសួរសំណួរដែលទាក់ទងយ៉ាងជិតស្និទ្ធទៅនឹងវគ្គបទគម្ពីរចំណេះចំណានខាងគោលលទ្ធិនីមួយៗ ដែលអាចសរសេរនៅលើសន្លឹកក្រដាសបាន ។ សិស្សអាចធ្វើការជាដៃគូដើម្បីឆ្លើយសំណួរទាំងនេះបាន ។ ខាងក្រោមនេះគឺជាឧទាហរណ៍អំពីរបៀបដែលការណ៍នេះអាចស្វែងរកវគ្គចំណេះចំណានខាងគោលលទ្ធិមួយចំនួន ៖

កូរិនថូស ទី១ ៦:១៩–២០ សូមសម្គាល់ទីតាំង កូរិនថូស ទី១ ៦:១៩–២០ ។ សូមពិចារណាពីការគូសចំណាំឃ្លាបទគម្ពីរគន្លឹះ « រូបកាយអ្នករាល់គ្នាជាវិហារនៃព្រះវិញ្ញាណបរិសុទ្ធ » ។ ត្រូវប្រាកដថាគូសសម្គាល់ឃ្លាបទគម្ពីរគន្លឹះនេះនៅក្នុងបទគម្ពីររបស់អ្នក ។

• តើអ្នកចូលចិត្តព្រះវិហារបរិសុទ្ធមួយណា ? ហេតុអ្វីទៅ ?

• ហេតុអ្វីបានជាអ្នកគិតថា រូបកាយរបស់អ្នកដូចជាព្រះវិហារបរិសុទ្ធ ?

កូរិនថូស ទី១ ១១:១១ សូមសម្គាល់ទីតាំង កូរិនថូស ទី១ ១១:១១ ។ សូមពិចារណាគូសចំណាំឃ្លាបទគម្ពីរគន្លឺះនេះ « ក្នុងព្រះអម្ចាស់ នោះបុរសមិនមែនជាឥតពឹងអាស្រ័យដល់ស្ត្រីឡើយ ហើយស្ត្រីក៏មិនមែនជាឥតពឹងអាស្រ័យដល់បុរសដែរ » ។ ត្រូវប្រាកដថាគូសសម្គាល់ឃ្លាបទគម្ពីរគន្លឹះនេះនៅក្នុងបទគម្ពីររបស់អ្នក ។

• តើអ្នកបានឃើញគំរូដ៏ល្អមួយនៃអាពាហ៍ពិពាហ៍ដ៏រឹងមាំនៅកន្លែងណា ?

• ហេតុអ្វីអ្នកគិតថា អាពាហ៍ពិពាហ៍រវាងបុរស និងស្ត្រីមានសំខាន់ចំពោះព្រះវរបិតាសួគ៌ ?