Atamai i Aoaoga Faavae: Ioane 3:16

O Le Togiola a Iesu Keriso

Jesus Christ kneeling as He prays and atones in the Garden of Gethsemane. Christ is depicted wearing red and blue robes. He has His hands clasped and is resting them on a large rock. A small stream of light coming through the darkened and cloudy background shines on the face of Christ. Light emanates around Christ’s head.

I le lesona talu ai, sa e a’oa’oina le loloto o le alofa o le Tama Faalelagi sa faailoa mai i le auina mai o Lona Alo e fai mo tatou Faaola ma Togiola. O le lesona lenei e maua ai le avanoa e faateleina ai lou malamalamaaga i lenei aoaoga faavae autu e ala lea i le taulotoina o mau faasino ma fuaitau o mau faavae, faamatalaina o le aoaoga faavae autu, ma le faaaogaina o mataupu faavae o le mauaina o le malamalama faaleagaga i tulaga moni o le olaga.

Tapenaga mo tagata aoga: Valaaulia tagata aoga e mafaufau pe faapefea ona latou a’oa’oina se tagata e uiga ia Iesu Keriso ma Lana Togiola, pe a faapea o i latou o ni faifeautalai faamisiona.

Gaoioiga e Mafai ona Fai e Aoao Ai

Ua faatulagaina lenei lesona e aoao atu pe a maea le lesona faalemanatu faavae mo lenei fuaitau o le atamai i aoaoga faavae (“Ioane 3:14–17”). A faapea e mana’omia le tuu o le lesona lenei o le atamai i aoaoga faavae i se isi vaiaso ina ia talafeauga ma taimi faatulagaina a aoga, ia mautinoa e aoao atu le lesona o le “Ioane 3:14–17” mo lenei mau i le vaiaso lava lea e tasi.

Tauloto ma faamatala

Ae lei amataina le vasega, tusi i luga o le laupapa le fuaitau autu o le mau mo le Ioane 3:16 ia faafefiloi, e faapei foi ona faia e pei o le faiga faafefiloi lea. Tuu i tagata aoga e fa’asa’o le tusiga o le fuaiupu i totonu o a latou api talaaga mo suesuega, pe fesili foi i le vasega e ofo mai se tasi e tusi fa’asa’o le faatulagaga o le faitauga i luga o le laupapa faatasi ai ma lona mau faasino sa’o. A manaomia, valaaulia tagata aoga e fesoasoani mai.

O se faitauga faafefiloi lea o le mau faasino ma le fuaitau autu o le mau mo le Ioane 3:16 . Toe fa’asa’osa’o ia upu ma tusi le mau faasino sao ma le fuaitau autu o le mau i totonu o lau api talaaga mo suesuega.

Le Atua Atalii alofa i le 16 aua ua faapea toatasi Ioane i le lalolagi ua ia 3

A mae’a ona fa’asa’osa’o le fuaitau, faaaoga sina taimi e tauloto ai le mau faasino ma le fuaitau autu o le mau.

Ia tuu se avanoa mo tagata aoga e faamatala ai le aoaoga faavae autu o loo aoao mai i le fuaitau o le atamai i aoaoga faavae. O se faataitaiga lenei o le auala e fai ai.

Mafaufau faapea o oe o se faifeautalai faamisiona. Ua valaauina oe i se aiga e se ulugalii agalelei e lei faalogo lava i le Togiola o Iesu Keriso. E tusa ai ma mea sa e aaoaoina mai le lesona talu ai e uiga i le alofa o le Atua i le auina mai o Lona Alo, o le a se mea o le a e faasoa atu i lenei ulugalii?

Mafaufau e valaaulia tagata aoga e faatino nei ata faataitai i ni paga, pe valaaulia nisi o le vasega e faatino lenei gaoioiga i luma o le vasega.

Faataitai le faaaogaina

Faaaoga se taimi e toe iloilo ai mataupu faavae o le mauaina o le malamalama faaleagaga i le gaoioiga lea.

Mafaufau e tusi nei faamatalaga i luga o le laupapa ma fesili i tagata aoga e agai mai i luma o le vasega e faatumu ia upu o lo’o misi.

Faatumu ia upu o loo misi mai fasifuaitau o loo i lalo.

Faatino i le f____.

Iloilo manatu ma f____ ma se v____ e f____.

Saili le malamalama atili e ala i p_____ m____ ua filifilia.

Mo nei mataupu faavae taitasi, valaaulia se tasi e ofo mai e tuuina mai se faamatalaga mo le 30 sekone i le uiga o le mataupu faavae.

Mafaufau i le ata faataitai lenei.

Ua faalua nei ona tuai ona o’o Sarai i le fale, ma ua mafua ai ona faigatā lana talanoaga ma ona matua. Ua iloa e Sarai, ua amata ona faigata ona talitonuina o ia e ona matua. O loo iloa foi e Sarai, e iai ana faaiuga sa fai, e faapea ana iloa e ona matua nei faaiuga, ua atili ai ona le talitonuina o ia e ona matua. Ua lagona e Sarai lona tausalaina, ae foliga mai e faigofie mo le taimi nei ona tu’u ese mai lona mafaufau. Ua na ia faalogoina foi le faigata o le faatino ma le ola ai i se olaga faaleagaga, ma ua faapea ai i lona mafaufau masalo atonu e le moni le Tama Faalelagi, pe ua liliuese le Tama Faalelagi mai ia te ia ona o ana filifiliga. I lenei taimi, ua le iloa e Sarai po o le a le mea a fai, ae po o ai foi a liliu i ai mo se fesoasoani.”

O le a le mafuaaga o nei faigata mo Sarai?
Ana faapea o oe ua iai i le tulaga o loo iai Sarai, o a ni fesili ogaoga po o popolega e ia te oe?

Mafaufau po o a ni lesona faaleagaga e ono mafai ona fesoasoani ia Sarai i le tulaga o loo iai. A manaomia, toe tali i parakalafa 5-12 e toe iloilo ma talatalanoa i le vaega “Mauaina o le Malamalama Faaleagaga” Pepa Autū o le Atamai i Aoaoga Faavae (2022) e faateleina ai lou malamalama i nei mataupu faavae.

Faatino i le faatuatua

Mafaufau ma fai se faaiuga pe sili le fai o gaoioiga o loo ta’ua i lalo i ni paga, pe i ni vaega toalaiti, po o le vasega atoa.

O le a se gaoioiga e mafai ona fai e Sarai i le tulaga lea ina ia faatino i le faatuatua?
O le a sau faamatalaga e fesoasoani ai ia te ia pe a ia lagona o le faatinoina i le faatuatua e faigata tele?

Iloilo manatu faavae ma fesili faatasi ma se vaaiga e faavavau

Ua lagona e Sarai ua afaina ana sootaga ma ona matua ma le Atua ona o filifiliga sa ia faia. E foliga mai o le talanoa sao atu i ona matua ma le Atua e atili ai ona leaga le latou mafutaga.

O le a se auala o loo sese pe lē atoatoa ai le vaai o Sarai i le tulaga ua iai?
O le a sou iloa i le Tama Faalelagi, Iesu Keriso, po o le ata o le faaolataga e mafai ona fesoasoani ia manatua e Sarai?
Ana faapea o oe o le tinā po o le tamā o Sarai, o le a sou lagona ia Sarai? O le a se mea e te mana’o ia malamalama ai si ou afafine o loo feagai ma se tauiviga ia malamalama ai i ou lagona?

Saili le malamalama atili e ala i punavai paia ua atofaina

Faaaoga nai minute e saili ai ni fuaitau o mau po o ni faamatalaga mai taitai o le Ekalesia e mafai ona fesoasoani ia Sarai. A mana’omia, mafaufau e faaaoga nisi o punaoa nei Taiala i Tusitusiga Paia po o Autu o le Talalelei e fesoasoani ia te oe (tagai le ChurchofJesusChrist.org). E mafai foi ona e faaaogaina nisi o mau sa e a’oa’oina i lesona taluai, pei o se faataitaiga o le Ioane 3:14–17 po o le Mataupu Faavae ma Feagaiga 18:10–11 .

A faapea e manaomia, fesoasoani i tagata aoga ma ia iloa le mea e sue ai mau e fesootai i le ata faataitai. Atonu e aogā foi le faaali o le lisi o fuaitau o mau mai le tufaaga o le lesona talu ai.

A maea le galuega a tagata aoga, valaaulia ni volenitia e faasoa mai mea na latou maua. Mafaufau e fa’aaoga fesili e pei ona iai i lalo e faaleleia atili ai le talanoaga a le vasega.

O le a se mea na e aoao mai e uiga ia Iesu Keriso mai lau suesuega o le a fesoasoani ia Sarai?
O a ni fuaitau patino pe lua o ni mau mai lau suesuega o le a aoga ia Sarai? Aisea?

Mafaufau e valaaulia tagata aoga e faasoa mai mea sa latou aoaoiina i lenei lesona o le a fesoasoani ia i latou i o latou lava olaga. Molimau atu e uiga i upumoni sa talanoaina.

Toe iloilo

O le gaoioiga toe iloilo lea e tatau ona toe faaaoga i le isi lesona o soso’o ai.

O le fasifuaitau autu o le mau mo le Ioane 3:16 o le ”Aua ua faapea lava ona alofa mai o le Atua i le lalolagi, ua ia auina mai ai lona Alo e toatasi.”Fesoasoani i tagata aoga e toe iloilo le mau faasino lenei ma le fasifuaitau autu o le mau e ala i le valaaulia o i latou e toe fai mai faatasi o se vasega. A maea ona fai mo ni nai taimi, e mafai foi e tagata aoga ona toe faaleo mai mau faasino ma fasifuaitau o mau autu mo isi fuaitau o le atamai i aoaoga faavae ua uma ona latou suesueina.