Atamai i Aoaoga Faavae: Suesuega Iloilo 2

1 Korinito 6:19–20 e oo i le Faaaliga 20:12

I le afa muamua o lenei mataupu, sa suesue ai e le vasega fuaitau e 13 o le atamai i aoaoga faavae o loo maua i le 1 Korinito e oo i le Faaaliga. O lenei suesuega iloilo ua mamanuina e iloilo ai le tomai o tagata aoga e sue nei fuaitau ma faaaoga i tulaga moni o le olaga. O le a iloiloina ai foi lo latou malamalama i mataupu faavae o le mauaina o le malamalama faaleagaga.

Faatautaia lenei suesuega iloilo o le atamai i aoaoga faavae i soo se taimi pe a uma ona aoaoina uma fuaitau o le atamai i aoaoga faavae mai le 1 Korinito e oo i le Faaaliga. Atonu e manaomia le aoao atu o ni isi o lesona o le atamai i aoaoga faavae a o lei oo mai i le faasologa o tusitusiga paia ina ia mafai ai ona faia le suesuega iloilo a o lei oo i le faaiuga o le semesa.

Afai e mafai, faatautaia i tagata taitoatasi lenei suesuega iloilo ina ia mafai ai e tagata aoga ona faasa’o le suesuega iloilo o se vasega i le taimi lava e maea ai.

E le gata i le iloiloina o le malamalama o tagata aoga i le taimi nei, o le aafiaga o le faia ma le faasa’oina o le suesuega iloilo e tatau ona avea o se aafiaga anoa ma fausia ai molimau mo tagata aoga. A o faasa’oina fesili 7–12, valaaulia tagata aoga e faamatala mai pe aisea na latou filifilia ai le tali sa latou faia ma faamalamalama mai pe mafai faapefea ona fesoasoani le fuaitau na latou filifilia i tulaga o loo faamatalaina i le suesuega iloilo. Fesoasoani i tagata aoga ia malamalama i soo se fesili atonu na sese ona latou taliina. Faaalu se taimi e tali ai soo se fesili faaopoopo atonu o i ai a tagata aoga.

Atamai i Aoaoga Faavae o le Feagaiga Fou: Suesuega Iloilo 2

Tusi faasino o le atamai i aoaoga faavae

Mo fesili 1–3, tusi le mataitusi o le tusi fesootai i le avanoa i autafa o fasifuaitau taitasi. Faamolemole aua nei faaaogaina au tusitusiga paia mo le vaega lenei o le suesuega iloilo.

1. ____ “O le faatuatua, pe afai e le i ai galuega, e mate lava.”	a. 1 Korinito 11:11
2. ____ “Ina ia na faaopoopoina ia Keriso i le sauniga i le faaatoaga o tausaga, o i latou uma lava o i le lagi, atoa ma i latou o i le lalolagi.”	e. Efeso 1:10
3. ____ “E leai se tane pe a le o i ai le fafine, e leai foi se fafine pe a le o i ai le tane, i le Alii”	i. 2 Timoteo 3:15–17
	o. Iakopo 2:17–18
	u. Faaaliga 20:12

Fasifuaitau autu o mau

Mo fesili 4–6, faatumu upu o loo misi i fasifuaitau autu o mau o le atamai i aoaoga faavae. Faamolemole aua nei faaaogaina au tusitusiga paia mo le vaega lenei o le suesuega iloilo.

4. “O lo outou __________ o le __________ o le __________” ( 1 Korinito 6:19–20).

5. O le Ekalesia ua “atiina a’e i luga o le __________ o le au __________ atoa ma le au perofeta, o le maa tulimanu o __________ __________ lava lea” ( Efeso 2:19–20).

6. “O le aso o Keriso…e le __________ mai lena aso, seia __________ ona taunuu o le __________ ese” ( 2 Tesalonia 2:1–3).

E mafai ona faaaoga au tusitusiga paia i le vaega o totoe o le suesuega iloilo.

Mo fesili 7–9, faailoa mai se fuaitau se tasi pe sili atu o le atamai i aoaoga faavae e mafai ona fesoasoani i se tasi i tulaga nei.

7. E lei leva ona maliu se tasi e pele i lau uo. Ua tele fesili a lau uo e uiga i le mea e tupu ia i tatou pe a mavae le oti.
8. E foliga mai o loo tauivi lou uso ma ni faigata ma o loo fesiligia pe o silafia moni o ia e le Atua.
9. Ua talosagaina oe e se taitai o le Ekalesia e tuuina atu fautuaga i lau tupulaga i se lesona o le Aoga Sa o loo loma i le auala e mafai ai ona latou tumau faamaoni pe a feagai ma manatu sese ma faaosoosoga.

I fesili 10–11, faaali atu lou malamalama ma le tomai e faaaoga ai mataupu faavae o le mauaina o le malamalama faaleagaga.

10. E faapefea ona e faamalamalama atu mataupu faavae nei e tolu o le mauaina o le malamalama faaleagaga i se tasi e faalemasani tele i ai?

Faatino i le faatuatua.

Iloilo manatu faavae ma fesili faatasi ai ma se vaaiga e faavavau.

Saili le malamalama atili e ala i punavai faalelagi ua filifilia.

11. E i ai sau uo o le a faauu mai le aoga maualuga ma o loo popole i faaiuga taua o le a ia faia i lona olaga i nai tausaga o lumanai. Tali fesili nei:

O a ni mea patino e te valaaulia o ia e fai e faatino ai i le faatuatua?
E mafai faapefea ona e fesoasoani ia te ia e vaai atu i lona tulaga faatasi ma se vaaiga e faavavau?
O fuaitau o le atamai i aoaoga faavae o ni faataitaiga o punaoa faalelagi ua filifilia. O le a se fuaitau o le atamai i aoaoga faavae e mafai ona e faasoa atu i lau uo? Aisea?

12. Mai fuaitau e 13 o le atamai i aoaoga faavae na e suesueina i lenei semesa, o lē fea na aupito sili ona e aafia ai, ma pe aisea? O le a le mea ua aoao mai e lenei fuaitau ia te oe e uiga i le Tama Faalelagi ma Iesu Keriso?

New Testament Seminary Teacher Manaul - 2023

Ia lava se taimi e tuuina atu i tagata aoga e faamaea ai a latou suesuega iloilo. A maea uma loa tagata aoga, iloilo faatasi o se vasega. I le avea ai ma faiaoga, filifili pe sili atu ona aoga mo tagata aoga le faasa’oina o a latou lava galuega pe pasi atu i se tasi o le vasega latou te faasa’oina.

Ki o tali

o. Iakopo 2:17–18
e. Efeso 1:10
a. 1 Korinito 11:11
tino; malumalu; Agaga Paia
faavae; aposetolo; Iesu Keriso
oo; muai; tete’a
O tali e ono mafai ona i ai e aofia ai le 1 Korinito 15:20–22 ma le 1 Peteru 4:6 , ae e mafai e le vasega ona maua se togi talafeagai mo le faaaogaina o soo se fuaitau o le atamai i aoaoga faavae e fesoasoani ai ia i latou e faamalamalama le fuafuaga a le Atua mo i tatou pe a mavae le oti faaletino.
O tali e ono mafai ona i ai e aofia ai le Eperu 12:9 ma le Iakopo 1:5–6 , ae e mafai ona maua e tagata aoga se togi talafeagai mo le faaaogaina o soo se fuaitau o le atamai i aoaoga faavae e fesoasoani ai ia i latou e faamalamalama e faapea o loo silafia i tatou e le Atua.
O tali e ono mafai ona i ai e aofia ai le 1 Korinito 6:19–20 ma le Faaaliga 20:12 , ae e mafai e tagata aoga ona maua se togi talafeagai mo le faaaogaina o soo se fuaitau o le atamai i aoaoga faavae e aofia ai upumoni e mafai ona fesoasoani ia i tatou e tumau faamaoni ai pe a feagai ma manatu sese ma faaosoosoga.
E tatau ona mafai e tagata aoga ona faamatala otooto mataupu faavae o le mauaina o le malamalama faaleagaga. Mafaufau e valaaulia i latou e faatusatusa a latou tali i parakalafa 5–12 o le vaega o le “Mauaina o le Malamalama Faaleagaga” i le Pepa Autu o le Atamai i Aoaoga Faavae (2022).
E tatau ona mafai e tagata aoga ona faamalamalama ia faatinoga e faatatau i le faatinoina i le faatuatua ma le suesueina o manatu ma fesili faatasi ma se vaaiga e faavavau. E tatau foi ona latou faailoa mai se fuaitau o le atamai i aoaoga faavae e fesoasoani ia i tatou e malamalama ai pe faapefea ona maua le taitaiga mo faaiuga taua i o tatou olaga. O ni isi o fuaitau e mafai ona faaaoga e tagata aoga e aofia ai le Efeso 2:19–20 ma le 2 Timoteo 3:15–17 .
Afai lava e tali mai ma le faamaoni ma le atoatoa ia tagata aoga i lenei fesili faataataa, e tatau ona tuuina atu ia i latou se togi talafeagai.

Ina ia fesoasoani i tagata aoga e faamalamalama, faasoa, ma molimau atu, valaaulia i latou e talanoaina le fuaitau o le atamai i aoaoga faavae sa latou filifilia mo le fesili 12 ma pe aisea na latou filifilia ai. Atonu e aoga le i ai po o le a lava le toatele o tagata aoga e ono mafai ona avanoa latou te faasoa mai i le taimi o totoe. Valaaulia i latou e faasoa mai mea na aoao atu e le fuaitau na latou filifilia ia i latou e uiga i le Tama Faalelagi ma Iesu Keriso. I le avea ai ma faiaoga, mafaufau e faasoa atu foi se fuaitau anoa o le atamai i aoaoga faavae.Faaiu le suesuega iloilo e ala i le faasoa atu o le molimau i le mana o le iloaina o le aoaoga faavae a Iesu Keriso e pei ona maua i Ana tusitusiga paia ma le saunia e faaaoga Ana aoaoga i tulaga o le olaga masani.