Բ Կորնթացիս 8–13

Հետևյալ տվյալները ուսուցիչներին հուշում են, թե ինչ պետք է նախապատրաստեն յուրաքանչյուր դասի համար:

Դասի նպատակը. Այս դասը կարող է օգնել ուսանողներին հետևել Հիսուս Քրիստոսի օրինակին և կիսվել իրենց ունեցածով նրանց հետ, ովքեր կարիքի մեջ են:

• Ուսանողի նախապատրաստում. Առաջարկեք ուսանողներին ծանոթանալ «Տասանորդ և այլ նվիրատվություններ» ձևաթղթում թվարկված կետերին, այնուհետև պատրաստվել և պատմել, թե ինչ են նշանակում տարբեր կետերը: Նրանք կարող են նաև տալ ցանկացած հարց այս ձևաթղթի վերաբերյալ:

• Բովանդակություն՝ ցուցադրման համար. Տասներկու Առաքյալների Քվորումից երեց Ջեֆրի Ռ․ Հոլլանդի հայտարարությունը՝ բաց թողնված բառով և «Տասանորդ և այլ նվիրատվություններ» ձևաթուղթը:

• Առցանց ուսուցման առաջարկ. Կարող եք հրավիրել տեղի եպիսկոպոսին կամ Սփոփող միության նախագահին ուսանողներին պատմել, թե ինչպես են օգտագործվում ծոմի նվիրատվությունների միջոցները՝ կարիքավորներին օրհնելու համար:

Դասի նպատцակը. Այս դասը կարող է օգնել ուսանողներին ապավինել Տիրոջը, երբ նրանք փորձում են հավատարմորեն դիմանալ իրենց դժվարություններին:

• Ուսանողի նախապատրաստում. Առաջարկեք ուսանողներին պատրաստվել և ասել, թե իրենք ինչու են կարծում, որ հետևյալ հայտարարությունը ճշմարիտ չէ. «Եթե մենք աղոթենք բավարար հավատքով առ Հիսուս Քրիստոս, Երկնային Հայրը կվերացնի ցանկացած փորձություն, որի միջով մենք անցնում ենք»:

• Առարկա կամ նկար՝ ցուցադրման համար. Փուշ կամ փշերի նկար

• Տեսանյութ. «Բարձունքներ, որոնք պետք է հաղթահարել» (5:05)

• Առցանց ուսուցման առաջարկ. Երբ ուսանողներն ուսումնասիրեն Բ Կորնթացիս 12.8–10-ը , կարող եք օգտագործել «Հավատք՝ ընդունելու Տիրոջ կամքը, որ չենք բժշկվելու» գաղափարը, որը ներկայացված է «Օժանդակ ուսումնական վարժություններ» բաժնում: Կարող եք օգտագործել «Ընդունեք Տիրոջ կամքը և ժամանակը» հոդվածը (Ensign, օգոստոս 2016, 29–35) ChurchofJesusChrist.org կայքում և էկրանով կիսվելու գործառույթը, որպեսզի ուսանողները կարողանան հերթով կարդալ պատմությունը:

Դասի նպատակը. Այս դասը կարող է օգնել ուսանողներին քննել իրենց հավատարմությունը Տիրոջ հանդեպ և հաղթահարել Նրա ծառաներին քննադատելու գայթակղությունը:

• Ուսանողի նախապատրաստում. Առաջարկեք ուսանողներին մտածել այն մասին, թե ինչ են զգում, երբ լսում են, որ մարդիկ բացասաբար են խոսում Փրկչի Եկեղեցու կամ Նրա ծառաների մասին:

• Բովանդակություն՝ ցուցադրման համար. Նախագահ Հենրի Բ. Այրինգի հայտարարությունը՝ հարցերով, որի շուրջ ուսանողները պետք է խորհեն

• Առցանց ուսուցման առաջարկ. Որպեսզի ուսանողները հնարավորություն ունենան ավելի շատ սուրբ գրությունների պատմություններ ուսումնասիրել, նրանց կարող եք փոքր խմբերի բաժանել և տեղավորել քննարկման սենյակներում: Առաջարկեք նրանց ուսումնասիրել պատմություններից մեկը կամ մի քանիսը, որոնք նկարագրում են Տիրոջ ծառաներին քննադատելու հետևանքները: Այնուհետև յուրաքանչյուր խումբ կարող է ընտրել խոսնակ, որը դասարանի մնացած անդամների հետ կկիսվի այն ամենով, ինչ նրանք սովորել են:

Դասի նպատակը. Այս դասը ննախատեսված է օգնել ուսանողներին գնահատել իրենց նպատակները, ինչպես նաև՝ ինչ աճ են ունեցել Նոր Կտակարանի այս տարվա ուսումնասիրության ընթացքում:

• Ուսանողի նախապատրաստում. Ուսանողներին առաջարկեք հիշել, թե ինչպես են իրենք փորձել կիրառել այն սկզբունքները, որոնք սովորել են Ա Կորնթացիս 8–16 և Բ Կորնթացիս հատվածներից։

• Բովանդակություն՝ ցուցադրման համար. Հարցեր ուսանողների ընտանեկան պատմության ծրագրի վերաբերյալ (Վարժություն Ա-ի համար)

• Տեսանյութեր.«Սուրբ գրությունների օրհնությունը» (3:03), «#Ալելուիա. Զատիկի ուղերձ Հիսուս Քրիստոսի մասին» (1:59)

• Առցանց ուսուցման առաջարկ. Եթե ենթադրում եք, որ ուսանողները չգիտեն, ինչպես օգտագործել FamilySearch.org կայքը կամ FamilySearch հավելվածը, կարող եք նրանց ժամանակ տրամադրել՝ դասարանում դրանք ուսումնասիրելու համար: Օգտակար կլինի հրավիրել մի ուսանողի, որը գիտի, թե ինչպես օգտագործել հավելվածը, դասարանի հետ կիսվել խորհուրդներով: Նա կարող է կիսվել իր հեռախոսի կամ համակարգչի էկրանով, որպեսզի դասարանի մնացած անդամները տեսնեն, թե նա ինչ է անում:

Դասի նպատակը. Այս դասը ուսանողներին հնարավորություն կտա ավելի լավ հասկանալ և փորձել բացատրել ճշմարտություններ Նոր Կտակարանի Վարդապետության սերտման տարբեր հատվածներից:

• Ուսանողի նախապատրաստում. Առաջարկեք ուսանողներին վերանայել Նոր Կտակարանի Վարդապետության սերտման հատվածները և ընտրել մեկը, որը կցանկանային ավելի լավ հասկանալ:

• Բովանդակություն՝ ցուցադրման համար. Հիսուս Քրիստոսի չորս առանձին նկար

• Առցանց ուսուցման առաջարկ. Դասի վերջում ուսանողներին կարող եք առաջարկել փնտրել վարդապետության սերտման լրացուցիչ հատվածներ, որոնք կօգնեն ավելի լավ հասկանալ Նոր Կտակարանի ընտրված հատվածը: Կարող եք ուսանողներին բաժանել խմբերի և տեղավորել քննարկման չորս սենյակներում: Յուրաքանչյուր խումբ պետք է փնտրի վարդապետության սերտման հատվածներ սուրբ գրությունների տարբեր դասընթացներից: Երբ դասարանը նորից հավաքվի, յուրաքանչյուր խմբին առաջարկեք կիսվել այն հատվածներով, որոնք նրանք գտել են իրենց հանձնարարված սուրբ գրությունների գրքում: Ուսանողներին կարող եք առաջարկել կիսվել իրենց էկրանով, որպեսզի դասընկերները տեսնեն, թե ինչպես են իրենք օգտագործում Gospel Library հավելվածի գործիքները: