Ա Կորնթացիս 12

• Ի՞նչ նշանակալից պարգև եք երբևէ ստացել:

• Այդ պարգևը ի՞նչ ազդեցություն է թողել ձեզ վրա: Ի՞նչ է այն թույլ տվել ձեզ անել:

• Ի՞նչ եք զգացել այն մարդու հանդեպ, ով ձեզ տվել է այդ պարգևը:

Ա Կորնթացիս 12 գլուխն ուսումնասիրելիս դուք կսովորեք, թե Երկնային Հայրը ինչ հոգևոր պարգևներ է տալիս Իր զավակներին: Որոնեք, թե Նա ինչու է տալիս այդ պարգևները, և ոգեշնչում փնտրեք Սուրբ Հոգուց, որպեսզի կարողանաք բացահայտել ձեզ տրված պարգևը:

«Հոգևոր պարգևները օրհնություններ կամ ունակություններ են, որոնք Աստված տալիս է Իր զավակներին Սուրբ Հոգու զորության միջոցով» (Ավետարանական թեմաներ, «Հոգևոր պարգևներ», topics.ChurchofJesusChrist.org):

Սովորեք հոգևոր պարգևների մասին՝ կարդալով Ա Կորնթացիս 12.3-11 հատվածները: (Նկատի ունեցեք, որ «ամեն մէկին» բառակապակցությունը 11-րդ հատվածում նշանակում է «անհատապես» կամ «մեկ առ մեկ»:)

• Ի՞նչ հոգևոր պարգևներ են նշվում են այս հատվածներում:

Գոյություն ունեն բազմաթիվ տարբեր հոգևոր պարգևներ: Մյուսների մասին իմանալու համար կարդացեք Մորոնի 10.8-18-ը , Վարդապետություն և Ուխտեր 46.11-26-ը և Տասներկու Առաքյալների Քվորումից երեց Մարվին Ջ էշթոնի (1915–94) հետևյալ հայտարարությունը.

Թույլ տվեք հիշատակել մի քանի պարգևներ, որոնք ոչ միշտ են նկատելի կամ ուշադրության արժանի, սակայն չափազանց կարևոր են. … խնդրելու պարգևը, լսելու պարգևը, ականջ դնելու և մեղմ, ցածր ձայնով խոսելու պարգևը, լաց լինելու պարգևը, հակառակությունից խուսափելու պարգևը, համերաշխ լինելու պարգևը, պարգև` փնտրելու այն, ինչն արդար է, չդատելու պարգևը, Աստծո առաջնորդությունը փնտրելու պարգևը, աշակերտ լինելու պարգևը, մյուսների մասին հոգ տանելու պարգևը, խորհելու ընդունակություն ունենալու պարգևը, աղոթք ասելու պարգևը:

(Մարվին Ջ. էշթոն, «Գոյություն ունեն բազմաթիվ պարգևներ», Ensign, նոյեմբեր 1987, 20)

• Ո՞ւմ է Տերը օրհնում այս հոգևոր պարգևներով:

• Ի՞նչ է դա օգնում ձեզ հասկանալ Տիրոջ մասին:

Ճշմարտություններից մեկն այն է, որ Տերը Իր Եկեղեցու անդամներից յուրաքանչյուրին տալիս է առնվազն մեկ հոգևոր պարգև, որով նա կարող է օրհնել ուրիշներին:

• Ի՞նչ եք մտածում Երկնային Հոր և Հիսուս Քրիստոսի մասին՝ իմանալով, որ Նրանք ձեզ օրհնել են հոգևոր պարգևներով:

• Դա ինչպե՞ս կարող է ազդել ձեր աստվածային ինքնության մասին ձեր կարծիքի վրա:

• Ձեր կարծիքով, Աստված ինչո՞ւ է տալիս հոգևոր պարգևներ Եկեղեցու բոլոր անդամներին, այլ ոչ թե մի քանիսին:

Կարդացեք Ա Կորնթացիս 12.14-20 հատվածները և գտեք այն համեմատությունը, որը Պողոսն օգտագործեց, որպեսզի մեզ օգնի ճանաչել մեր անհատական ներդրումների կարևորությունը:

• Ինչի՞ հետ է Պողոսը համեմատում Եկեղեցին այդ հատվածում: Այդ համեմատությունն ի՞նչ է ուսուցանում ձեզ հոգևոր պարգևների մասին:

• Ինչպե՞ս եք դուք օրհնվել ուրիշների հոգևոր պարգևներով:

Ուրիշների հետ իրենց հոգևոր պարգևներով կիսվող մարդու օրինակ տեսնելու համար կարող եք դիտել «Ձեր ողջ սրտով» տեսանյութը (3:26) ChurchofJesusChrist.org կայքում, որը պատմում է մի երիտասարդ մարդու մասին, ով կանչվել է՝ օգտագործելու Տիրոջ տված մի պարգև, որը նա վերջերս է հայտնաբերել: Այս տեսանյութը դիտելիս ուշադրություն դարձրեք Սուրբ Հոգու հուշումներին այն մասին, թե դուք ինչպես կարող եք օգտագործել ձեր պարգևը՝ ուրիշներին օրհնելու համար:

3:27

Խորհեք, թե ձեր հոգևոր պարգևներն ինչպես են օրհնել ձեզ, և ինչպես կարող եք դրանք օգտագործել՝ ձեր ընտանիքը, ծուխը կամ ճյուղը և ուրիշներին օրհնելու համար: Կարող եք օրագրում գրանցել ցանկացած տպավորություն պարգևների մասին, որոնք դուք կստանաք Սուրբ Հոգուց:

• Ձեր կարծիքով, Տերն ի՞նչ է ցանկանում, որ դուք հասկանաք ձեր և ձեր հոգևոր պարգևների մասին:

• Ինչպե՞ս կքաջալերեիք որևէ մեկին, ով կարծում է, որ չունի հոգևոր պարգևներ:

• Ի՞նչ հոգևոր պարգև կցանկանայիք ունենալ: Ի՞նչ կարող եք անել այդ պարգևը ստանալու համար: (Տերը մեզ առաջարկում է հոգևոր պարգևներ փնտրել, տես Ա Կորնթացիս 12.31 , 14.1 , Վարդապետություն և Ուխտեր 46.7-9):

• Ինչպե՞ս կարող եք օգտագործել հոգևոր պարգևները ուրիշներին օրհնելու համար: Ինչպե՞ս դա կօգնի ձեզ ավելի շատ նմանվել Փրկիչին:

Նախագահ Դիտեր Ֆ․ Ուխդորֆը՝ այն ժամանակ Առաջին Նախագահությունից, կիսվել է, թե մենք ինչպես կարող ենք հետևել Հիսուս Քրիստոսի օրինակին.

17:23

Երբ մտածում եմ Փրկչի մասին, հաճախ պատկերացնում եմ Նրան՝ ձեռքերը մեկնած, հասնելու սփոփելու, բժշկելու, օրհնելու և սիրելու համար: Եվ Նա միշտ բարեհաճորեն էր խոսում մարդկանց հետ: Նա սիրում էր խոնարհներին ու հեզերին և քայլում էր նրանց մեջ, սպասավորելով նրանց և առաջարկելով հույս և փրկություն: 

Ահա՛, թե ինչ արեց Նա Իր մահկանացու կյանքի ընթացքում: Դա այն է, ինչ Նա կաներ, եթե Նա ապրեր մեր մեջ այսօր, և մենք ինչ պետք է անենք՝ որպես Նրա աշակերտներ և որպես Հիսուս Քրիստոսի Վերջին Օրերի Սրբերի Եկեղեցու անդամներ: … 

Ընդօրինակելով Նրա կատարյալ օրինակը՝ մեր ձեռքերը կարող են դառնալ Նրա ձեռքերը, մեր աչքերը` Նրա աչքերը, մեր սիրտը` Նրա սիրտը: 

(ԴիտերՖ. Ուխդորֆ, «Դուք Իմ ձեռքերն եք», Ensign կամ Լիահոնա, մայիս 2010, 68)

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Մենք հոգևոր պարգևներ ենք ստանում՝ ուրիշներին օրհնելու համար: Եթե մեր ցանկությունն է պարգև ստանալ, քանի որ ուզում ենք դա, ապա հավանաբար չենք ստանա: Եթե մենք փորձում ենք ծառայել ուրիշներին Հիսուս Քրիստոսի ուսմունքների համաձայն, ապա մենք օրհնվում ենք հոգևոր պարգևներով և ընդլայնում ուրիշներին ծառայելու մեր կարողությունները:

(Դեյվիդ Ա. Բեդնար, «Հասկանանք Երկնային Հոր ծրագիրը», ChurchofJesusChrist.org/prophets-and-apostles/unto-all-the-world/understanding-heavenly-fathers-plan)

«Երգված և չերգված երգերը» տեսանյութում (0:57-2:57-ը) կարող եք դիտել Տասներկու Առաքյալների Քվորումից երեց Ջեֆրի Ռ. Հոլլանդի խորհուրդը: Տեսանյութը հասանելի է ChurchofJesusChrist.org կայքում:

17:23

Յոթանասունից երեց Ջոն Ս. Փինգրի Կրտսերը պատմել է մի քրոջ մասին, որն իմացավ, որ ինքն ունի մի հոգևոր պարգև, որը անտեսել էր.

Մի օր մի հուսալքված քույր դիմեց Տիրոջը. «Տեր, ո՞րն է իմ անձնական ծառայությունը»: Նա պատասխանեց. «Նկատի՛ր ուրիշներին»: Դա հոգևոր պարգև էր: Այդ ժամանակից ի վեր նա ուրախություն գտավ՝ նկատելով նրանց, ում հաճախ մոռացության են մատնում, և Աստված աշխատեց նրա միջոցով՝ շատերին օրհնելու համար: Մինչ մեր հոգևոր պարգևներից մի քանիսը աշխարհիկ չափանիշներով աչքի ընկնող չեն, բայց դրանք կարևոր են Աստծո և Նրա աշխատանքի համար:

(Ջոն Ս. Փինգրի Կրտսեր, «Ես աշխատանք ունեմ քեզ համար», Ensign կամ Լիահոնա, նոյեմբեր 2017, 33-34)

Այն ժամանակ Առաջին Նախագահությունից նախագահ Դիտեր Ֆ․ Ուխդորֆը սովորեցրել է.

Հնարավոր է զգաք, որ կան մարդիկ, որոնք ավելի ընդունակ են կամ ավելի փորձված, և կարող են կատարել ձեր կոչումներն ու հանձնարարություններն ավելի լավ, քան դուք, բայց Տերը ձեր պատասխանատվությանն է հանձնել դա ինչ-որ պատճառով: Կարող են լինել մարդիկ և սրտեր, որոնց միայն դուք կարող եք հասնել և հուզել: Թերևս ուրիշ ոչ-ոք չէր կարող դա անել միանգամայն նույն ձևով»:

(Դիտեր Ֆ. Ուխդորֆ, «Բարձրացրեք, որտեղ կանգնած եք», Ensign կամ Լիահոնա, նոյեմբեր 2008, 56)