Seminare
Toe Iloiloga o le Atamai Faapitoa i Aoaoga Faavae 7

Toe Iloiloga o le Atamai Faapitoa i Aoaoga Faavae 7

Open scriptures that have been highlighted, on table with ribbon bookmark and yellow pencil. (horiz)

O se tasi faamoemoe o le atamai faapitoa i aoaoga faavae o le fesoasoani lea ia te oe e aoao pe faapefea ona faatatau mataupu faavae o loo aoao i totonu o tusitusiga paia i tulaga e ono feagai ma oe po o isi tou te taumasani. O le a tuuina atu e lenei lesona avanoa e faataitai le faatatauina o ni nai aoaoga faavae i lou olaga na e suesueina i lenei tausaga.

O le fesoasoani atu i isi

Manatunatu e faapea o la e te auauna atu i se aiga i lau uarota ua iai se tamā e lei leva tele atu ona leai sana galuega. O lenei tamā ua matuai lotovaivai ma ua le toe auai i sauniga lotu, pe tatalo, pe faitau ni tusitusiga paia. E toatolu se fanau i lona aiga: o se tamaitai talavou e 17 tausaga le matua, o se alii talavou e 15 tausaga le matua, ma se teineitiiti e 10 tausaga le matua. O le e 10 tausaga le matua ma lona tina e masani ona auai i lotu. O le au talavou e toalua sa masani lava ona auai soo, ae ona ua faaauau pea ona le faigaluega le tamā, ua iu ina muta ai ma le la omai i le lotu.

A o e iloilo i lenei lisi o fuaitau o atamai faapitoa i aoaoga faavae, mafaufau i faalogona ma luitau o loo feagai ma tagata taitoatasi i lenei aiga. Mafaufau e uiga i upumoni mai nei tusitusiga paia e ono sili ona mafai ona fesoasoani i tagata taitoatasi ma pe aisea foi.

Mau Faasino o Tusitusiga Paia

Faaupuga Autu o Tusitusiga Paia

Mataio 11:28-30

“Ia outou o mai ia te au, o outou uma o e tigaina ma mafatia i avega, o a’u foi e malolo ai outou.”

Mataio 16:15–19

Na fetalai Iesu, “Ou te avatu foi ia te oe ki o le malo o le lagi.”

Mataio 22:36–39

“E te alofa atu i le Alii lou Atua. … E te alofa atu i lē lua te tuaoi.”

Luka 22:19–20

Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”

Ioane 7:17

“Ai se tasi e fia fai lona finagalo, e iloa ai e ia le mataupu.”

Writing on a piece of paper with a pen or pencil. 1. Tali fesili nei i totonu o lau api faamaumau suesuega:

  • O a ni faalogona ma luitau o loo ono aafia ai tagata taitasi i lenei aiga?

  • Aisea e fesoasoani ai le manatu i nei faalogona ma luitau ae le i filifili po o a upumoni faaletusitusiga paia e ono sili ona aoga?

Writing on a piece of paper with a pen or pencil. 2. Faamaea lenei gaoioiga ma tali atu i fesili o loo avatu faatasi ai i totonu o lau api faamaumau suesuega:

Filifili se tasi o fanau ma se tasi o matua mai lenei aiga i le ata faataitai. Filifili se fuaitau se tasi o atamai faapitoa o aoaoga faavae ma se upumoni se tasi e te lagona e ono sili ona aoga mo latou taitoatasi.

  • O ai tagata na e filifilia? O le a le fuaitau o atamai faapitoa i aoaoga faavae ma upumoni o le a e faasoa ma i latou? Aisea?

Mafaufau i tagata taitoatasi ua e filifilia.

  • Afai e fesiligia, o a faiga patino e te ono valaaulia i latou taitoatasi e fai ina ia faatino ai upumoni na aoaoina i nei fuaitau o atamai faapitoa i aoaoga faavae?

  • E fesoasoani faapefea nei faatinoga latou te maua ai le mana ma le malosi mai le Tama Faalelagi ma Iesu Keriso?

Faatatau atili

Writing on a piece of paper with a pen or pencil. 3. Faamaea le fuafuaga lea:

Filifili se tasi o fuaitau o atamai faapitoa i aoaoga faavae sa le faaaogaina i le gaoioiga talu ai nei. Mafaufau i se tulaga lea e mafai ona fesoasoani ai lenei fasifuaitau i se tasi ia maua ai tali i ana fesili pe taulima ai se luitau. Tusifaamaumau ou manatu i lau api faamaumau suesuega.