Seminare
Atamai i Aoaoga Faavae Iloiloga 14

Atamai i Aoaoga Faavae Iloiloga 14

Malamalama ma Faamatala

O loo tu Iesu Keriso i luga o se maupuepue e iloa atu ai se vaitafe

O se tasi o faamoemoega o le atamai i aoaoga faavae o le fesoasoani lea ia e malamalama i aoaoga a le Faaola o loo i ai i fuaitau o le atamai i aoaoga faavae ma mafai ona faamatala i au lava upu. O lenei lesona o le a tuuina atu ai ia te oe se avanoa e faalautele ai lou malamalama i upumoni ma faamatala atu e uiga i se tasi pe sili atu o fuaitau o le atamai i aoaoga faavae mai le Feagaiga Fou.  

Toe Faamanatu

I le gaoioiga lenei, faafetaui tulaga faataitai taitasi ma le fuaitau o le atamai i aoaoga faavae e te lagona o le a sili ona aoao ai le tagata po o tagata i lena tulaga faataitai.

Ua tuuina atu tali i le faaiuga o le lesona.

  1. 1 Korinito 6:19–20

  2. 1 Korinito 11:11

  3. 1 Korinito 15:20-22

  4. 1 Korinito 15:40-42

  1. O nisi o tagata o lou aiga o loo lagonaina le faanoanoa ona o se tasi e pele na maliu talu ai nei ma ua latou lagona o le a latou le toe vaai lava ia te ia.

  2. O nisi tagata e talitonu o o latou tino o ni a latou lava ia ma e mafai ona latou faia i ai soo se mea latou te mananao e faia i ai. Latou te le iloa na totogi e le Faaola le tau e togiola ai i tatou, o lona uiga moni lava o le “toe faatauina mai o i tatou.” Ona o lenei faapogai, e le ana e i tatou i tatou lava ae tatou te nofo aitalafu i le Faaola.

  3. E toatele tagata e talitonu i le lagi ma seoli ae le malamalama i upumoni e uiga i le olaga pe a mavae le oti ma tino toetutu.

  4. Ua fesili atu se uo ia te oe pe aisea e te ono faamuamua ai sootaga malolosi o faaipoipoga ma aiga nai lo le manuia o galuega totogi atoa ma tupe.

Malamalama ma faamatala

Na aoao mai e Peresitene Russell M. Nelson le ala e mafai ai e tusitusiga paia ona faafesootai atu i tatou ia Iesu Keriso. Atonu e te mana’o e matamata le vitio “President Nelson—The Scriptures Teach Us about Jesus Christ (for Youth)” (0:59), o loo maua i le ChurchofJesusChrist.org, pe faitau le faamatalaga o loo mulimuli mai.

0:60
Atatosi aloaia o Peresitene Russell M. Nelson na pueina ia Ianuari 2018

[O tusitusiga paia] e aoao i tatou e uiga ia Iesu Keriso ma Lana talalelei, le maoae o Lana Togiola, ma le fuafuaga sili a lo tatou Tama mo le fiafia ma le togiolaina. O le tofupunouai ai i aso taitasi i le afioga a le Atua e taua tele mo le ola faaleagaga, aemaise lava i nei aso o le faateteleina o fevesiaiga. Pe a tatou taumamafa i afioga a Keriso i aso taitasi, o le a ta’u mai e afioga a Keriso ia i tatou le auala e tali atu ai i faigata tatou te le’i mafaufauina o le a tatou fetaia’i.

(Russell M. Nelson, “Faalogo ia te Ia,” Liahona, Me 2020, 89)

Mafaufau faapea, ina ia amata se gaoioiga a le autalavou, ua talosagaina oe e faasoa atu se mau i tusitusiga paia na fesoasoani ia te oe e aoao pe lagona ai se mea e uiga ia Iesu Keriso. Filifili se tasi o fuaitau o le atamai i aoaoga faavae mai lenei lesona po o se isi mai le Feagaiga Fou. Ole atu i le Agaga Paia e fesoasoani ia te oe ia iloa upumoni e uiga i le Faaola e faalolotoina ai lou malamalama e uiga ia te Ia, Lana talalelei, Lana Togiola, po o le ata o le faaolataga a le Tama Faalelagi.

Tusitusi i luga o se fasipepa i se peni po o se penitala. 1. Tali fesili nei i totonu o lau api faamaumau mo suesuega:

  • O le fea o fuaitau o le atamai i aoaoga faavae na e filifilia?

  • O le a se upumoni po o se aoaoga faavae na e maua mai i lenei fuaitau?

  • Mata e faapefea ona suia le olaga o se tasi pe afai latou te le iloa le upumoni ua e mauaina?

  • E mafai faapefea e le malamalama i lenei upumoni ona fesoasoani ia te oe e faalatalata atili atu ai i le Faaola?

Ki o Tali o le Toe Faamanatu: 1-e, 2-o, 3-a, 4-i