Seminare
Atamai i Aoaoga Faavae Iloiloga 13

Atamai i Aoaoga Faavae Iloiloga 13

Tauloto Mau Faasino ma Fasifuaitau Autu o Mau

O se tamaitai talavou o loo nofo i se laulau i lona fale. O loo fola solo tusi ma pepa i ona luma. O loo ia uuina se peni.

O le manatuaina o le mea e maua ai fuaitau o mau ma mea latou te aoao atu e mafai ona fesoasoani ia te oe pe a e faasoa atu upumoni o le talalelei i isi. O lau suesuega i le aso nei ua faamoemoeina e fesoasoani ia te oe e tauloto ai mau faasino ma fasifuaitau autū o mau mo nisi o fuaitau o le atamai i aoaoga faavae mo le Feagaiga Fou.

Tauloto fasifuaitau autū o mau e faaaoga ai ata

O lenei lesona e mafai ona fesoasoani ia te oe e toe faamanatu ai fuaitau o mau nei o le atamai i aoaoga faavae ma mafaufau pe mafai faapefea e upumoni o loo aoaoina mai ai ona fesoasoani ia te oe i le tele o tulaga. Afai e te lei faailogaina nei fuaitau o mau ma a latou fasifuaitau autū i au tusitusiga paia, mafaufau ia faia.

Mau Faasino

Fasifuaitau Autu o le Mau

Mau Faasino

1 Korinito 6:19–20

Fasifuaitau Autu o le Mau

“O lo outou tino o le malumalu lea o le Agaga Paia.”

Mau Faasino

1 Korinito 11:11

Fasifuaitau Autu o le Mau

“E leai se tane pe a le o i ai le fafine, e leai foi se fafine pe a le o i ai le tane, i le Alii”

Mau Faasino

1 Korinito 15:20-22

Fasifuaitau Autu o le Mau

“Aua faapei ona oti uma ia Atamu, e faapea foi ona faaolaina uma ia Keriso.”

Mau Faasino

1 Korinito 15:40-42

Fasifuaitau Autu o le Mau

I le Toetutu, e i ai tikeri e tolu o le mamalu.

Tusi se ata e faapupula mai ai le fasifuaitau autū

O ata ma isi faailoilo vaaia e mafai ona fesoasoani ia i tatou e manatua ai faamatalaga taūa. Mafaufau pe mafai faapefea e le faaaogaina o mea faitino vaaia ona fesoasoani ia te oe e manatua ai mau faasino ma fasifuaitau autū.

  • O a mea o faapupula mai e faatusa nei?

Aikona o le malumalu uliuli.
Atatusi o se faailoga taofi.
Aikona o manaoga faapitoa

O faataitaiga nei o fuaitau o le atamai i aoaoga faavae o loo faaalia e faaaoga ai faatusa po o ata. Tilotilo i ata, ma vaai pe mafai ona e faailoa mai se fuaitau o le atamai i aoaoga faavae ma lona fuaitau autū o le mau.

O se tagata e i ai se faailoga tutusa ma se malumalu
O ata iti e faatusa i le malo o le ata o le faaolataga. La, Masina, Fetu

Tusitusi i luga o se fasipepa i se peni po o se penitala. 1. Faamaea le gaoioiga lenei ma tuufaatasi i totonu o lau api faamaumau mo suesuega:

I luga o pepa faamatalaga laiti eseese po o ni fasi pepa laiti e fa, toe tusi fuaitau taitasi o fuaitau o le atamai i aoaoga faavae na lisiina muamua. I le itu faafeagai o pepa laiti taitasi, fatu se ata e fesoasoani ia te oe e manatua ai fasifuaitau autū. E mafai ona e tusia ni au lava ata pe faaaoga ni mea faitino vaaia e pei o ata kilipi, emoti, po o ata pu’e. O lenei gaoioiga e lē manaomia ai ona avea oe o se tusiata talenia. O lau ata e tatau ona manatua pea ae e lē tatau ona lē migao pe ta’umāmāina ai autū paia.

A uma, faaaoga au ata e iloilo ai fasifuaitau autu o mau. A ono mafai, faamatala au ata i se uo po o se tagata o lou aiga. Taumafai e manatua le fuaitau autū i le tele e te mafaia.

Faaaogaina o fasifuaitau autū o mau i le olaga

Ina ia iloilo fuaitau na faato’ā e faataitaia ona taulotoina, fai le suega lea, faailoa mai pe o le fea o fuaitau o le atamai i aoaoga faavae e mafai ona sili ona aoga i tulaga taitasi nei:

  1. Fai mai se tamaitai talavou, “Sa ou faalogo e faapea, ona o Iesu Keriso o le a toe tutū ai tagata uma mai le oti. E sa’o lena mea?”

  2. Ua taumanatunatu se uo pe aisea e manaomia ai ona tatou tausia lelei o tatou tino pe afai o le a tatou toetutu.

  3. E le manatu se uo o le faaipoipoga o se mea e aoga i ai ni taumafaiga.

  4. Faato’ā maliu le tamā matua o se alii talavou, ma e i ai ni fesili a le alii talavou e uiga i le olaga i tala atu o le oti.