Seminare
Atamai i Aoaoga Faavae: Luka 2:10-12

Atamai i Aoaoga Faavae: Luka 2:10-12

Sa Fanau Mai Iesu Keriso o le Faaola ma le Alii

Fanau Mai o Iesu

I se lesona ua mavae atu, na e suesueina ai le molimau a se agelu i leoleo mamoe o Iesu Keriso o le Alo o le Atua ma le Faaola o le lalolagi (tagai Luka 2:10-12). O le lesona lenei o le a tuuina atu ia te oe se avanoa e faapupula atu ai lou malamalama’aga i lenei aoaoga faavae a’o e faaaogaina mataupu faavae o le mauaina o le malamalama faaleagaga i se tulaga moni o le olaga.

Tauloto ma faamatala

Vaai i le ata o le fanau mai o le Faaola ma tauloto mai le mau faasino ma le fuaitau autu o le mau mo le Luka 2:10-12: “Auā o le aso nei ua fanau ai i le aai a Tavita, lo outou Faaola, o le Alii ia o Keriso.” Toe fai seia o’o ina mautinoa ua mafai ona e tauloto mai i le manatua.

aikona o le api talaaga 1. Faamaea le gaoioiga lenei i lau api faamaumau mo suesuega:

Vaai i le ata o le fanau mai o le Faaola. Tusi ni fuaiupu se lua pe tolu e faamatala ai pe aisea na au mai ai i le mea na tupu e pei ona faaalia i le ata le “talalelei o le olioli tele … i nuu uma” (Luka 2:10).

Faataitai le faaaogaina

Faaaoga ni nai minute e toe faamanatu ai mataupu faavae i parakalafa 5—12 i le vaega o le “Mauaina o le Malamalama Faaleagaga” i le Pepa Autu o le Atamai i Aoaoga Faavae (2022). Mo mataupu faavae taitasi, faailoga ia se fuaiupu e le itiiti ifo ma le tasi e te manatu o loo faamatalaina ai le manatu faavae.

Mafaufau i le tulaga lenei:

O se tasi o au uo e le lotu sa vaaia se soa o faifeautalai o talanoa i ni tagata i le paka. Sa fesili atu lau uo ia te oe, “Aisea e o ai faifeautalai mai le tou ekalesia ma tala’i e uiga ia Iesu? E pei o loo e taumafai e fosi a outou talitonuga i isi tagata. Aisea e le mafai ai ona tou tuu ai pea latou ia e fiafia i le mea o latou i ai?”

O le mafaufau ai i leatulaga, suesue mataupu faavae nei o le mauaina o le malamalama faaleagaga ma toe manatunatu pe faapefea ona fesoasoani ia te oe e tali atu i le fesili a lau uo.

Faatino i le faatuatua

“Tatou te faatino i le faatuatua pe a tatou filifili e talitonu i le Atua ma liliu atu muamua ia te Ia” (Pepa Autu o le Atamai i Aoaoga FaavaeMauaina o le Malamalama Faaleagaga,” parakalafa e 5).

  • O a fasifuaitau e te maua i parakalafa e 5—7 o le vaega o le “Mauaina o le Malamalama Faaleagaga,” o le a mafai ona fesoasoani atu ia te oe i lenei ata faataitai?

  • E faapefea ona fesoasoani le faatino i le faatuatua ia te oe a’o e saili se tali mo lau uo?

Iloilo manatu faavae ma fesili faatasi ma se vaaiga e faavavau

“Ina ia iloilo [manatu faavae ma fesili] faatasi ma se vaaiga e faavavau, tatou te mafaufau i ai i le matalalaga o le ata o le faaolataga ma aoaoga a le Faaola” (Pepa Autu o le Atamai i Aoaoga Faavae, “Mauaina o le Malamalama Faaleagaga,” parakalafa 8).

Toe faamanatu le Luka 2:10–12. Mafaufau e uiga i mea o aoao mai i lenei fasifuaitau faapea ma mea ua uma ona e iloa e uiga ia Iesu Keriso.

  • O a matafaioi a le Faaola i le ata o le faaolataga?

  • Aisea e taua ai mo i latou e le’i iloaina e uiga ia Iesu Keriso ona aoao e uiga ia te Ia?

  • Aisea e taua tele ai ona tatou faasoa atu le savali o Lana talalelei toefuataiina i tagata uma, e aofia ai isi tagata Kerisiano ua uma ona taliaina o Ia?

  • E faapefea ona e faaaoga au tali i fesili ua uma atu ina ia e tali atu ai i lau uo?

Saili le malamalama atili e ala i punavai paia ua atofaina

Ina ia fesoasoani ia te i tatou e maua le malamalama faaleagaga, sa “faatuina e le Alii ni punavai Na Te faaalia mai ai upumoni ma le taitaiga mo Lana fanau” (Pepa Autu o le Atamai i Aoaoga Faavae, “Mauaina o le Malamalama Faaleagaga,” parakalafa 11).

Iloilo se tasi pe sili atu foi o nei punavai musuia, ma vaavaai mo ni faamatalaga e mafai ona fesoasoani ia te oe e tali atu ai i le fesili a lau uo.

Mafaufau po o a aoaoga ua aoao mai e punavai nei e uiga i le auala e mafai ai e le Faaola ma Ana aoaoga ona aumaia le olioli i tagata.

  • O le a se mea na e aoaoina e uiga i le Faaola ma Ana aoaoga e ono aumaia ai le fiafia i tagata i le olaga nei ma le olaga a sau?

  • O a ni ou lava aafiaga patino ma le Faaola po o Ana aoaoga ua aumaia ai le fiafia ia te oe?

  • E faapefea ona fesoasoani au tali i nei fesili e tali atu ai i le fesili a lau uo?

aikona o le api talaaga 2. Mafaufau i mataupu faavae o le mauaina o le malamalama faaleagaga ma le aoaoga faavae o loo aoaoina i le Luka 2:10—12 ma tusi i lau api talaaga mo suesuega se tali i lau uo.