Iloilo Lou Aoaoina 2

O lenei lesona ua faamoemoe e fesoasoani atu ia te oe e iloilo sini ua e faatuina, mea o loo e aoao iai, ma le tuputupu ae patino na e iloa i le taimi o au suesuega o le Feagaiga Fou i lenei tausaga.

O mea o loo e aoaoina mai le Feagaiga Fou i totonu o seminare ua faamoemoe e fesoasoani ia te oe e faalatalata atoatoa atili ai ia Iesu Keriso ma fai ma Ona soo, po o se e mulimuli atu ia te Ia. Fai se tasi o gaoioiga nei e tolu, ma saili mo faamanuiaga e maua pe a tatou mulimuli i le Faaola e ala i le faatinoina o Ana aoaoga. Ona tali ai lea o fesili e lua o mulimuli mai.

1. Usu pe faalogologo i le pese Peraimeri “Tagata Poto ma le Tagata Valea” (Tusipese a Tamaiti, 132), ma faitau le Mataio 7:24–27 .

2. I luga o se fasi pepa po o i totonu o lau api talaaga mo suesuega, tusi se ata faatusa faigofie o aoaoga a le Faaola i le Mataio 7:24–27 .

3. I le faaaogaina ai o poloka po o ipu inu, fau se fale po o se fatufatuga faigofie i luga o se faavae malosi, e pei o le fola po o se kesi po o se laulau. Ona fau ai lea o se isi fatufatuga faigofie i luga o se faavae e lē malosi tele, e pei o se moega, se ie afu ua uma ona gaugau, po o se aluga. Faaaoga ou lima e oomi ai i lalo le atufola i autafa o fatufatuga taitasi, ma vaavaai po o le a le mea e tupu. Faitau i le Mataio 7:24–27, ma saili mo mea e tai tutusa ai lenei gaoioiga ma le faataoto a le Faaola.

• O le a se mea na e aoaoina mai i lenei gaoioiga?

• O a faamanuiaga tatou te maua pe a tatou faatinoina aoaoga a le Faaola?

Mafaufau i le tuputupu ae ua e mauaina ina o e suesue ma galue e faaaoga aoaoga a le Faaola mai le Feagaiga Fou i lenei tausaga. Tali se tasi pe sili atu foi o fesili nei:

• O a ni aoaoga a Iesu Keriso ua e suesue i ai e aupito anoa tele mo oe?

• O a ni auala ua e latalata atili ai i le Faaola ao e suesue i Ana afioga?

• O a ni aoaoga na e suesue iai i lenei tausaga ua mafai ona e faaaogaina i lou olaga? O a faamanuiaga na e mauaina o se taunuuga [o na aoaoga]?

O lenei lesona o le a fesoasoani atu e iloilo ai ni auala o e fausia ai lou olaga i luga o le papa o Iesu Keriso ina ia mafai ai ona e talitalia luitau e ono oo mai.

Mafaufau e valaaulia ni tagata aoga e fai le gaoioiga lenei o se tala e faatino taitoalua pe fai i vaega toalaiti.

E mafai e le gaoioiga lenei ona fesoasoani ia te oe e iloilo pe faapeī lou malamalama ma le mafai ona e faamatalaina le aoaoga faavae autu a le Faaola o le salamo, papatisoga, ma le faamauga. Mafaufau i faamatalaga e lua nei, ma tusi se tali mo faamatalaga taitasi e fesoasoani ai e fofo le popolega ua faamatala mai. Faaaoga se mau e tasi pe sili atu mai au suesuega lata mai. E ono fesoasoani mau faasino o loo i totonu o puipui. Pule oe pe aofia ai ni au aafiaga patino po o molimau.

1. O au e fai lava si o’u lelei. Aisea e tatau ai ona ou popole i le salamo pe afai ou te lē o faia ni agasala matuia? (Tagai i le Mataio 3:1–8 ; Luka 3:7–14 .)

2. Ou te talitonu ia Iesu Keriso, ae ou te lē manatu e manaomia ona ou papatiso ma faamau e toe foi ai e mau faatasi ma le Atua. (Tagai i le Mareko 1:1–9 ; Ioane 3:5 ; 2 Nifae 31:5–12, 17–18 .)

2. Complete the following in your study journal: