Դարձեք մեկ. աշխատեք միասին

Խորհեք.Ի՞նչ է նշանակում «լինել մեկ»: Ի՞նչ կապ ունի դա ինքնապահով դառնալու հետ:

Դիտեք.«Տիրոջ ձևով» (Տեսանյութը մատչելի չէ՞։ Կարդացեք հաջորդ էջում։)

Քննարկեք.Ի՞նչ է այս ուղերձն ուսուցանում միմյանց ծառայելու և օգնելու մասին։

Կիրառեք.Կատարեք հետևյալը.

Մտքում մտածեք ձեր ունեցած տաղանդների, ծանոթությունների և այլ ռեսուրսների մասին։ Ինչպե՞ս կարող են ձեր պարգևները օգնել խմբի մյուս անդամներին ավելի ինքնապահով դառնալ: Գրեք ձեր մտքերը․
Որպես խումբ` միմյանց հետ կիսվեք ձեր թվարկած տաղանդներով, ծանոթություններով և այլ միջոցներով։ Գրի առեք մյուսների ծանոթությունները կամ միջոցները, որոնք կարող են օգնել ձեզ։
Ապա ստորև թվարկեք այն միջոցները, որոնք մատչելի են Եկեղեցու ինքնապահովման կենտրոնում, այդ թվում՝ ուսուցիչները, համակարգիչները և այլն։ Դուք ինչո՞ւ եք զգում նրանց կարիքը։
Ի՞նչ միջոցներ ունեք, որոնք կարող են օգնել ձեզ և ուրիշներին ինքնապահով դառնալ։
Ինչպե՞ս կօգնեք ուրիշներին ինքնապահովման իրենց ճանապարհին:
Ինչպե՞ս կարող եք օգտագործել ուրիշների օգնությունը ձեր ճանապարհին։

Կարդացեք.Մեկ լինելու հարցում վարժվելու համար կարող եք անել հետևյալը․

Օգնեք ձեր ընտանիքին լինել ավելի միասնական և աշխատել միասին։
Զրուցեք ձեր ծխի անդամների հետ, ովքեր արդեն ինքնապահով են։ Հարցրեք, թե ինչ մարդիկ կամ միջոցներ են նրանց օգնել։ Խնդրեք, որ իրենք լինեն ձեր խորհրդատուները։
Գնացեք երեք վայր ձեր համայնքում, որտեղ կան միջոցներ, որոնք կօգնեն ձեզ ինքնապահով դառնալ։ Գրի առնեք ծառայությունները, որոնք նրանք կարող են մատուցել։ Սկսեք կիրառել։

Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.

Վարժվեք աշխատել ուրիշների հետ (ձեր ընտանիքի, ծխի անդամների և համայքնի միջոցների հետ, որոնք նշված են վերևում)։
Ուսուցանեք այս սկզբունքը ձեր ընտանիքին:
Շարունակեք կիրառել նախորդ հիմնական սկզբունքները: