រក្សាថ្ងៃឈប់សម្រាកឲ្យបានបរិសុទ្ធ

ជារៀងរាល់ថ្ងៃអាទិត្យ អ្នកមានឱកាសដើម្បីបង្ហាញសេចក្ដីស្រឡាញ់របស់អ្នកចំពោះព្រះ តាមរយៈអ្វីដែលអ្នកបានធ្វើនៅថ្ងៃនោះ ។ អ្នកបង្ហាញសេចក្ដីស្រឡាញ់នេះដោយការចូលរួមនៅព្រះវិហារ ការទទួលទានសាក្រាម៉ង់ និងការបម្រើអ្នកដទៃ ។ នៅពេលដែលអ្នកទទួលទានសាក្រាម៉ង់ អ្នកចាំអំពីពលិកម្មរបស់ព្រះយេស៊ូវគ្រីស្ទ ហើយរំឭកសេចក្តីសញ្ញាដ៏ពិសិដ្ឋដែលអ្នកបានធ្វើនៅពេលទទួលបុណ្យជ្រមុជទឹក ។

ស្វែងយល់អំពីសារៈសំខាន់នៃការទទួលទានសាក្រាម៉ង់ប្រចាំសប្តាហ៍ ការថ្លែងទីបន្ទាល់របស់អ្នក និងការរក្សាថ្ងៃឈប់សម្រាកទុកជាបរិសុទ្ធ ។ សូមពិចារណាប្រើ ៖
- នីហ្វៃទី៣ ១៨:១–១២ ( សូមមើលផងដែរ ម៉ាថាយ ២៦:២៦-២៨, ម៉ាកុស ១៤:២២-២៥,លូកា ២២:១៩-២០, គោលលទ្ធិ និងសេចក្តីសញ្ញា ២០:៧៧,៧៩ ) ។
- Topics and Questions « Testimony » នៅលើគេហទំព័រ topics.ChurchofJesusChrist.org ។
- « ការថ្វាយបង្គំនៅថ្ងៃឈប់សម្រាក » នៅក្នុង » ការរៀនសូត្រ និង ការបម្រើនៅក្នុងសាសនាចក្រ ( កូនសៀវភៅ ឆ្នាំ២០១៦ ) ទំព័រ ៥–៩ ។
ការថ្លែងទីបន្ទាល់របស់អ្នកនឹងជួយអ្នកពង្រឹងទីបន្ទាល់ ! សូមពិចារណាពីការចែកចាយទីបន្ទាល់របស់អ្នកនៅក្នុងការប្រជុំថ្លែងទីបន្ទាល់នាពេលខាងមុខនេះ ។