Tō’u pi’ira’a ’ei pāpa’i parau nō te pupu peresibutero
Te mau hōpoi’a
’Ua māuruuru roa te Fatu nō tō ’oe hina’arora’a e tāvini i roto i tāna ’Ēkālesia. E ’ite mai ’oe i raro nei i te tahi hi’ora’a o te mau hōpoi’a nō tō ’oe pi’ira’a.
Te ’ōpuara’a a te pupu peresibutero
E tauturu te autahu’ara’a a Melehizedeka i te mau tamari’i a te Atua ’ia fa’aineine nō te ho’i atu i mua i tōna aro. E ’ohipa ’āmui te mau melo o te pupu peresibutero nō te tauturu i te rave fa’aotira’a i te ’ohipa nō te fa’aorara’a ’e te fa’ateiteira’a a te Atua. E tāvini rātou ia vetahi ’ē, e rave i te mau hōpoi’a a te autahu’ara’a, e patu i te hō’ēra’a, ’e e ha’api’i mai ’e e ora i te ha’api’ira’a tumu (hi’o Buka arata’i rahi : Te Tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hōpe’a nei, 8.1).
Te pāpa’i parau nō te pupu peresibutero
E ruru tāmau te peresidenira’a ’e te pāpa’i parau o te pupu peresibutero. I roto i te mau hōpoi’a a te pāpa’i parau, tei roto te fa’aineinera’a i te mau tāpura ’ohipa, te pāpa’ira’a i te mau parau, te hi’opo’ara’a i te mau tītaura’a, te fa’anahora’a i te uiuira’a o te aupurura’a, te fa’aineinera’a ’e te hāponora’a i te mau parau fa’a’ite nō te taera’a mai ’e te tauturura’a nō te fa’aineinera’a i te hō’ē tāpura faufa’a (hi’o 8.3.4).
Te mau purera’a i te sābati
E putuputu te mau pupu peresibutero i te piti ’e te maha o te sābati o te ’āva’e nō te fa’arahi i te fa’aro’o, nō te patu i te hō’ēra’a ’e nō te ha’apūai i te mau ’utuāfare ’e te mau nohora’a. Nā roto i te pure, e mā’iti te peresidenira’a nō te pupu peresibutero i te mau a’ora’a nō roto mai i te ’āmuira’a rahi tei tupu iho nei, nō te ’āparau mai te au i te mau hina’aro o te mau melo (hi’o 8.2.1.2).
Te tāvinira’a ’e te mau ’ohipa ri’i
E nehenehe te mau peresidenira’a nō te pupu peresibutero e fa’anaho i te mau ’ohipa ri’i nō te ha’apūai i te mau melo o te pupu ’e e hōro’a ia rātou i te rāve’a nō te tāvini ’āmui (hi’o 8.2.1.3).