Mwiokoam

Te Nakoanibonga ae te Merekitereka e buokiia natin te Atua ni katauraoi n oki Nakoina. A bootaki ni mwakuri kaain te kooram n unimwaane ni buoka kakoroan nanon Ana mwakuri te Atua ibukin te kamaiuaki ao te karietataaki. A beku ibukia tabeman, kakoroan nanon tibwangaia n te nakoanibonga, ao n reiakina ao n maiuakina reirein te euangkerio (taraa Aeniboki ni Kabuta:Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 8.1).

Te beretitentii n aia kooram unimwaane ao te tia koroboki e mwaiti aia tai ni bowi. Taben te Tia Koroboki bon katauraoan akenta ibukin ao tauan mwiin baika a taekinaki n boowi, ririmwiian katabeaki, kabaean tain intawiu n te kaakawari, katauraoan ao kanakoan te ribooti ni mwin te roroko, ao ni ibuobuoki ni katauraoa te kataumwane (taraa 8.3.4).

A bootaki te kooram n unimwaane n te kauoua ao n te kaaua n Tabati ni kakorakoraa te onimaki, kakorakoraa te boonnano, ao kakorakoraia utu ao mweenga. Te beretitentii n aia kooram unimwaane e rinei maroro ake a tibwa taekinaki man te maungatabu ni kabuta bwa a na maroroakinaki are kaineti ma kainnanoia membwa (taraa 8.2.1.2).

E na bairei waaki ni kakukurei kain te beretitentii n aia kooram unimwaane aika a na kakorakoraia kaain te kooram ao a anganiia aia tai ni beku ibon imarenaia (taraa 8.2.1.3).