Taabe

Te Bootaki n Ataeinnaine e buokiia natin te Atua aine aika tangiraki ni katauraoia n oki Nakoina. E buokiia Ataeinnaine ni karaoi ao ni kawakin berita aika tabu ao ni kakorakora rairakiia nakon Iesu Kristo ao Ana Euangkerio. A beku ataeinaine ibukiia tabeman n aia kiraati, a karaoi tibwangaia, a karekea te katiteuanaki, ao a reiakin ao a maiuakin reirei aika tabu. (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 11.1.1.)

E beku te beretitenti n te kauntira n te uoote ao n te kauntira ibukiia kairake n te uoote (taraa 11.3.4.4). E karaoi n taainako aia boowi beretitentii ao ni kaitibo ma te bitiobi. E ibuobuoki te beretitentii nakoia ataeinnaine ngkai a riki bwa Ana reirei Iesu Kristo ni maiuia. A reireiniia kaain te kiraati n te beretitentii tabeia ao ni boutokaia n aia tai ni kairiiri. (Taraa 11.3.2.) E tararuai rekooti, ribooti, ao mwaane te beretitenti. A katauraoa te ibuobuoki ana kauntira. E reirei naba te beretitenti ma ataeinnaine i aon kangaanga aika aki kainnanoa te bitiobi ke n irekereke ma te bwainikirinaki.

E boutokaia aia taan kairiiri kairake te beretitentii ibukiia Ataeinnaine. A beku ibukin te kauntira n te uoote beretitenti ni kiraati. A kairiia ao a tararuaia ataeinnaine beretitentii ni kiraati ngkai a kaniia riki nakon te Tia Kamaiu ao n ibuobuoki n ana mwakuri te Atua ni kamaiu ao n te karietataaki. Ma aia boutoka taan kairiiri aika ikawai, a bairei mwakuri n ibuobuoki, waaki ni kakukurei, ao bootakin te Tabati. (Taraa 11.3.4.2.)

A tataro Bitiobiriki ao taan kairiiri irouia Ataeinnaine aika ikawai n iangoia bwa a na kanga ni bairea aia kiraati ni kaineti nakon aia ririki. A iangoi waaki ni kairiiri ibukiia ataeinnaine. E riai n iai te beretitenti n taian kiraati n tatabeua nako, n aki taraia bwa buburara, ao ngkana e riai, temanna ke uoman kauntira ao te tia koroboki (taraa 11.1.3).

A bairei mwakuri n ibuobuoki ao waaki ni kakukurei beretitenti ni kiraati, ni boutokaaki irouia taan kairiiri ikawai ni karikirakei koaua, ni kakorakoraia utu, ni karekea te inanoi, ao ni karekei aanga ni kakabwaiaia tabeman (taraa 11.2.1.3). Te mwakuri n ibuokuoki ao waaki ni kakukurei bon taai ni ikotiia kairake ao n tibwaua te bwai ae kakimwareirei ae na riki man maiuakinan te euangkerio ao n ibuobuoki n ana mwakuri te Tia Kamaiu.

Ni kabane ikawai ake a mwakuri ma ataei ao kairake a riai n tia ni kabwanina karaoan te kataneiai i aon Kamanoaia Ataei ao Kairake inanon teuana te namwakaina man te tai are a kamatoaaki iai (ProtectingChildren.ChurchofJesusChrist.org). Kainibaire ao kaetieti aika kaineti ma ataeinnaine ake aki toamau, kanikina ibukiia kairake, ao a mwaiti riki a kuneaki n te mwakoro 11.6 n te Aeniboki ni Kabuta.