Te mau hōpoi’a

E tauturu te ’āvirira’a o te Feiā ’Āpī Tamāhine i te mau tamāhine herehia a te Atua, ’ia fa’aineine nō te ho’i atu i mua i tōna aro. E tauturu te reira i te feiā ’āpī tamāhine ’ia riro ’ei pipi nā Iesu Mesia nō te orara’a tā’āto’a, ’a rave ai ’e ’a ha’apa’o ai rātou i te mau fafaura’a mo’a, ’e ’a fa’ahōhonu ai i tō rātou fa’afāriura’a. I roto i tā rātou mau piha ’e mau putuputura’a, e tāvini te feiā ’āpī tamāhine ia vetahi ’ē, e rave fa’aoti i te mau hōpoi’a o te fafaura’a, e patu i te tāhō’ēra’a, ’e e ha’api’i mai ’e e ora i te ha’api’ira’a tumu. (Hi’o Buka arata’i rahi, 11.1.1.)

E turu te pāpa’i parau nō te piha Feiā ’Āpī Tamāhine i te peresidenira’a piha tamāhine ’e i te feiā fa’atere Feiā ’Āpī Tamāhine nō te tāvini ’e nō te aupuru i te mau melo o te piha tamāhine. E fa’aineine ’oia i te tāpura ’ohipa nō te mau rurura’a peresidenira’a, e pāpa’i ’oia i te mau parau ’e e tāpa’o ’oia i te mau fa’auera’a ’ohipa ’e te taera’a mai i te mau rurura’a i te sābati (11.3.4.2).

E putuputu pinepine te mau peresidenira’a piha Feiā ’Āpī Tamāhine ma te ’āmui ato’a mai te pāpa’i parau nō te piha tamāhine ’e te feiā fa’atere pa’ari nō te Feiā ’Āpī Tamāhine tei fa’auehia ’ia turu ia rātou. E ’āpo’o ’āmui rātou nō te ’imi i te heheura’a nō ni’a i te hina’aro o te Fatu nō tā rātou piha tamāhine. I roto i teie mau rurura’a, e nehenehe e ’āparau nō ni’a i te tāvinira’a i te mau melo o te piha tamāhine, ma te ha’apa’o ta’a ’ē i te turura’a i te mau melo ’āpī ’e te torora’a i te rima i te mau melo paruparu, ’e te fa’anahora’a i te mau rurura’a a te piha tamāhine, te ’ohipa tāvinira’a ’e te mau ’ātivite. (Hi’o 11.3.4.3.)

Nō te tahi atu ā parau arata’i ’e ture, hi’o i te tuha’a 11.6 o te Buka arata’i rahi.