Tiutetauave

O le faalapotopotoga a Tamaitai Talavou e fesoasoani i afafine faapelepele a le Atua e sauniuni e toe foi atu i Lona afio’aga. E fesoasoani i tamaitai talavou e avea ma soo o Iesu Keriso i le olaga atoa a o latou osia ma tausia feagaiga paia ma faalolotoina lo latou liua. I a latou vasega ma faapotopotoga, e auauna atu tamaitai talavou i isi, e faataunuu tiutetauave o feagaiga, fausia le lotogatasi, ma aoao ma ola i aoaoga faavae. (Tagai i le Tusitaulima Aoao, 11.1.1.)

E lagolagoina e le failautusi o le vasega a Tamaitai Talavou le au peresitene o le vasega ma taitai o Tamaitai Talavou e tautua pe auauna atu i tagata o le vasega. Na te saunia se lisi o mataupu mo fonotaga a le au peresitene, tusi ni faamatalaga, ma tausia ma faamaumauina tofiga ma le auai i sauniga i Aso Sa (11.3.4.2).

E fono soo ia au peresitene o vasega a Tamaitai Talavou ma e faatasi atu i ai le failautusi a le vasega ma taitai matutua o Tamaitai Talavou ua tofia e lagolagoina i latou. Latou te fefautuaai faatasi ma saili faaaliga e uiga i le finagalo o le Alii mo la latou vasega. O nei fonotaga e mafai ona aofia ai talanoaga e uiga i le auauna atu i tagata o le vasega, ma se gauai faapitoa i le lagolagoina o tagata fou ma le aapa atu i tagata ua le toaaga mai, ma le fuafuaina o fonotaga a le vasega, auaunaga, ma gaoioiga. (Tagai ile 11.3.4.3.)

Mo nisi taiala ma aiaiga faavae, tagai i le vaega 11.6 i le Tusitaulima Aoao.