Eddo ko

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro erom̧ rijilōk ro an Jisōs Kraist ilo aer kōm̧m̧ani im kōjparok bujen ko rekwojarjar n̄an kam̧wilaļlo̧k oktak eo aer. Ilo kūlaaj ko aer ippān doon, jiron̄ ro rej jerbal n̄an ro jet, kakūrm̧ool eddo ko an bujen eo, juon wōt, n̄an ekkatak im mour kōn katak eo. (Lale Bok in Bōk Meļeļe Eļap, 11.1.1.)

Rijeje eo an Kūlaaj eo an Doulul eo an Jiron̄ ro ej jipan̄ kūlaaj būreejtōnji eo im ritōl ro an Doulul eo an Jiron̄ Ro n̄an jerbal ak jerbal in karejar n̄an ro uwaan kūlaaj eo. Ej jipan̄ būreejtōnji eo kepooj kobban kweilo̧k ko, je kakeememej ko, im etale jerbal ko im oraņ ro rej pād ilo kweilo̧k ko ilo Jabōt (11.3.4.2).

Būreejtōnji ro an Kūlaaj an Doulul eo an Jiron̄ ro rej kweilo̧k emakijkij im ej kobatok rijeje ro an kūlaaj im ritōl ro an Doulul eo an Jiron̄ ro n̄an jipan̄ er. Rej kweilo̧k ippān doon n̄an bōk revelesōn kōn Ankilaan Irooj n̄an kūlaaj ko aer. Kweilo̧k kein ekitbuuj kōnono kōn jipan̄ eo uwaan kūlaaj eo, n̄an lale im jipan̄ membōr ro rekāāl im loļo̧k membōr ro rejeniknik, im karōk kweilo̧k ko an kūlaaj, jerbal in jipan̄, im m̧akūtkūt ko. (Lale 11.3.4.3.)

N̄an unin tōl ko reļļapļo̧k im kakien ko, lale jekjōn 11.6 ilo Bok in Bōk Meļeļe Eļap.