Li k’a’ru teneb’anb’il

Li ch’uut reheb’ li Saaj Ixq naxtenq’aheb’ lix raarookil rab’in li Dios chixkawresinkil rib’ chi sutq’iik rik’in a’an. Naxtenq’aheb’ li saaj ixq chixtaaqenkil li Jesukristo chiru chixjunil lix yu’ameb’ naq neke’xk’uleb’ ut neke’xpaab’eb’ li loq’laj sumwank ut neke’jala xch’ool. Sa’eb’ lix tzoleb’aal ut naq neke’xch’utub’ rib’, eb’ li saaj ixq neke’k’anjelak chiruheb’ li ras riitz’in, neke’xb’aanu li teneb’anb’il xb’aaneb’ lix sumwank, neke’xnimob’resi li junajil, ut neke’xtzol ut neke’xyu’ami li tzol’leb’. (Chi’ilmanq Jolomil K’anjenel Hu, 11.1.1.)

Laj tz’iib’anel sa’ lix tzoleb’aaleb’ li Saaj Ixq naxtenq’a li awa’b’ejil re tzoleb’aal ut eb’ laj jolominel reheb’ li Saaj Ixq chi k’anjelak chiruheb’ li komon sa’ li tzoleb’aal. A’an naxkawresi xtusulaleb’ li ch’utam re li awa’b’ejil, naxtz’iib’a li nayeeman, ut naxk’e reetal ani k’eeb’il xtaqlankil ut narajlaheb’ li ani neke’wulak sa’eb’ li ch’utam sa’ domingo (11.3.4.2).

Eb’ li awa’b’ejil re xtzoleb’aaleb’ li Saaj Ixq neke’ch’utla chi kok’ aj xsa’, ut neke’oken ajwi’ laj jolominel reheb’ li Saaj Ixq li ak ninqeb’ li taqlanb’ileb’ chixtenq’ankileb’. Neke’xk’uub’ xna’leb’ sa’ komonil ut neke’xsik’ xk’utb’esinb’il na’leb’ chirix li rajom li Qaawa’ choq’ re lix tzoleb’aaleb’. Sa’eb’ li ch’utam a’in naru neke’xk’uub’ k’anjelak chiruheb’ li komon sa’ li tzoleb’aal, jo’eb’ ajwi’ li ak’ komon ut li ink’a’ neke’wulak, ut naru neke’xk’uub’eb’ li ch’utam reheb’ li tzoleb’aal ut eb’ li kok’ k’anjel. (Chi’ilmanq 11.3.4.3.)

Re xtawb’al xkomon chik li b’eresink ut li chaq’rab’ink, chi’ilmanq li tasal 11.6 sa’ li Jolomil K’anjenel Hu.