Dagiti Pagrebbengan

Tulongan ti organisasion ti Young Women dagiti ipatpateg nga annak a babbai ti Dios nga agsagana nga agsubli iti sidongna. Tulonganna dagiti agtutubo a babbai nga agbalin a tungpal-biag a disipulo ni Jesucristo bayat ti panangaramid ken panangtungpalda kadagiti sagrado a katulagan ken panangpaunegda iti pannakakumbertda. Kadagiti klase ken panagu-ummongda agserbi dagiti agtutubo a babbai kadagiti dadduma, ipatungpalda dagiti pagrebbenganda iti katulagan, mangbangon iti panagkaykaysa, ken agsursuro ken agbiag iti doktrina. (Kitaen iti Sapasap a Handbook, 11.1.1.)

Suportaran ti secretary ti klase ti Young Women ti panguluen ti klase ken dagiti lider ti Young Women nga agserbi wenno agminister kadagiti miembro ti klase. Isu ket mangisagana iti adyenda para kadagiti miting ti panguluen, ag-take notes, ken mangirekord (keep track) kadagiti naituding nga aramiden ken attendance kadagiti miting iti Domingo (11.3.4.2).

Regular nga agtataripnong dagiti panguluen ti Young Women ken kaduada ti secretary ti klase ken dagiti nataengan a lider ti Young Women a naituding a mangsuporta kadakuada. Aggiinnumanda a sangkamaysa ken umawat iti paltiing maipanggep ti pagayatan ti Apo para iti klaseda. Dagitoy a miting ket mabalin a mangiraman kadagiti panaglilinnawag maipapan iti panagserbi kadagiti miembro ti klase, nga addaan iti naisangsangayan nga atension iti panangsuporta kadagiti baro a miembro ken panangtulong kadagiti saan unay nga aktibo a miembro, ken panagplano kadagiti miting ti klase, serbisio, ken aktibidad. (Kitaen iti 11.3.4.3.)

Para kadagiti mainayon a pangiwanwan ken annuroten, kitaen iti benneg 11.6 iti Sapasap a Handbook.