Mwioko

E buokiia natin te Atua aika aine te bootaki n Ataeinnaine ni katauraoiia n oki Nakoina. E na buokiia ataeinnaine n riki bwa ana reirei Iesu Kristo inanon maiuiia ngkai a karaoi ao ni kawakin berita aika tabu ao ni karekea rairakiia ni koaua. N aia kiraati ao ikoikotakiia, ataeinnaine a beku ibukiia tabeman, a kakoroi mwioko ni berita aika tabu, a karekea te katiteuanaki, ao a reiakin ao a maiuakin reirei aika tabu. (Tara Aeniboki ni Kabuta, 11.1.1.)

Te tia koroboki n aia kiraati Ataeinnaine e na boutoka te beretitentii n te kiraati ao taan kairiiri irouia Ataeinnaine ni beku ke ni mwakuri n ibuobuoki nakoia membwa n te kiraati. E na katauraoi akenta ibukin ana boowi te beretitentii, tauii rongorongo, ao ruamwian taian mwakuri ao tauan mwiin te roko n te boowi n te Tabati (11.3.4.2).

Beretitentii n te kiraati irouia Ataeinnaine a na reitaki n tainako ao a na raonaki iroun te tia koroboki n te kiraati ao taan kairiiri irouia Ataeinnaine aika ikawai ni boutokaiia. A na marooro n ikotaki ao ni ukorii kaotioti iaon ana kantaninga te Uea ibukin aia kiraati. Boowi aikai ana konaa n reita te marooro iaon buokakiia membwa n te kiraati, ma te taratara ae onoti ni boutokakiia membwa aika boou ao kawarakiia membwa ake a mamaara, ao bairean boowi n te kiraati, mwakuri n ibuobuoki, ao waaki ni kakukurei. (Taraa 11.3.4.3.)

Ibukin reitan kainibaire riki tabeua ao kaetieti, taraa tiekition 11.6 n te Aeniboki ni Kabuta.