Ol Responsabiliti

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. Hem i helpem ol yang woman blong kam ol disaepol blong Jisas Kraes truaot long ful laef blong olgeta, taem oli mekem mo kipim ol tabu kavenan mo jenisim laef blong olgeta moa i go long Jisas Kraes. Insaed long ol klas mo kam tugeta blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lan mo laef folem doktrin. (Luk long Jeneral Hanbuk, 11.1.1.)

Sekretari blong klas blong Ol Yang Woman i sapotem klas presidensi mo ol lida blong Yang Woman, blong givim seves o givhan long ol memba blong klas. Hem i stap redi long wan ajenda blong ol presidensi miting, i tekem ol not, mo i lukaot long ol asaenmen mo atendens blong klas long ol Sandei miting (11.3.4.2)

Ol klas presidensi blong Ol Yang Woman oli stap mit oltaem mo sekretari blong klas i stap joenem ol miting ia wetem adalt lida blong Ol Yang Woman we oli asaenem hem blong sapotem klas ia. Oli kaonsel tugeta blong kasem revelesen abaot wanem Lod i wantem blong klas blong olgeta. Ol miting ia i save tekem tu ol storian abaot givim seves long ol memba blong klas, wetem wan spesel lukluk blong stap sapotem ol niu memba mo go aot blong luk ol memba we oli no aktiv, mo blong stap mekem ol plan blong ol klas miting, seves, mo ol aktiviti. (Luk long 11.3.4.3.)

Blong gat sam moa gaedlaen mo polisi, luk long seksen 11.6 insaed long Jeneral Hanbuk.