Tiutetauave

O le faalapotopotoga a Tamaitai Talavou e fesoasoani i afafine faapelepele a le Atua e sauniuni e toe foi atu i Lona afio’aga. E fesoasoani i tamaitai talavou e avea ma soo o Iesu Keriso i le olaga atoa a o latou osia ma tausia feagaiga paia ma faalolotoina lo latou liua. I a latou vasega ma faapotopotoga, e auauna atu tamaitai talavou i isi, e faataunuu tiutetauave o feagaiga, fausia le lotogatasi, ma aoao ma ola i aoaoga faavae. (Tagai i le Tusitaulima Aoao, 11.1.1.)

E taitaia e peresitene o vasega taumafaiga a le vasega e auai i le galuega a le Atua o le faaolataga ma le faaeaga, ia iloa ma auauna atu i tamaitai talavou taitasi, fuafua ma taitaia sauniga a le vasega i Aso Sa ma isi gaoioiga, auai i taumafaiga a le uarota e faasoa atu le talalelei, ma auai i taumafaiga o le malumalu ma talafaasolopito o aiga (tagai i le 11.3.4.2). E lagolago atu ona fesoasoani ia te ia.

E fono soo ia au peresitene o vasega a Tamaitai Talavou ma e faatasi atu i ai taitai matutua o Tamaitai Talavou ua tofia e lagolagoina i latou. Latou te fefautuaai faatasi ma saili faaaliga e uiga i le finagalo o le Alii mo la latou vasega. O nei fonotaga e mafai ona aofia ai talanoaga e uiga i le auauna atu i tagata o le vasega, ma se gauai faapitoa i le lagolagoina o tagata fou ma le aapa atu i tagata ua le toaaga mai, ma le fuafuaina o fonotaga a le vasega, auaunaga, ma gaoioiga. (Tagai ile 11.3.4.3.)

E talanoaina e le aufono a le autalavou o le uarota ia auala e fesoasoani ai i isi ia fausia molimau, maua sauniga faaola, tausia feagaiga, ma avea ma soo faapaiaina o Iesu Keriso. Latou te fefautuaai faatasi e uiga i manaoga o tamaitai talavou ma alii talavou i le uarota. E mafai ona latou talanoaina ia gaoioiga e fetaui ma nei manaoga. (Tagai i le 11.3.4.4.)

Mo nisi taiala ma aiaiga faavae, tagai i le vaega 11.6 i le Tusitaulima Aoao.