Eddo ko

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro erom̧ rijilōk ro an Jisōs Kraist ilo aer kōm̧m̧an im kōjparok bujen ko rekwojarjar im kam̧wilaļļo̧k oktak eo aer. Ilo kūlaaj ko im aer ippān doon, jiron̄ ro rej jipan̄ ro jet, kakūrm̧ool eddo ko an bujen eo, juon wōt, im ekkatak im mour kōn katak eo. (Lale Bok in Bōk Meļeļe Eļap, 11.1.1.)

Kūlaaj būreejtōn ro rej tōl kijejeto ko an kūlaaj eo n̄an bōk koņaer ilo jerbal in lo̧mo̧o̧r in an Anij im mour ijo ilōn̄tata n̄an jipan̄ aolep jiron̄ ro, karōk im kōjekiiki kweilo̧k in kūlaaj ko an ilo Jabōt im m̧akūtkūt ko jet, bōk koņaer ilo kijejeto ko an ward n̄an kwaļo̧k gospel eo, im bōk koņaer ilo tampeļ im menmenbwij an baam̧le (lale 11.3.4.2). Rikakpilōklōk ro an rej jipan̄ e.

Kūlaaj būreejtōnji eo an Doulul eo an Jiron̄ ro rej kweilo̧k emakijkij im kobatok juon ritōl erūtto jān Doulul eo an Jiron̄ ro kar ijjitōn̄ n̄an jipan̄ er. Ilo iien kweilo̧k ko, ritōl ro rej ko̧o̧njeļ ippān doon im kappukot revelesōn kōn ankilaan Irooj n̄an kūlaaj ko aer. Kweilo̧k kein ekitbuuj kōnono ko n̄an jipan̄ ro uwaan kūlaaj eo, n̄an jipan̄ membōr ro rekāāl n̄an tōpar membōr rejaniknik, im karōk kweilo̧k in kweilo̧k ko, jerbal in jipan̄, m̧akūtkūt ko. (Lale 11.3.4.3.)

Ko̧o̧njeļ eo an jodikdik ilo ward eo ej kōmeļeļeik wāween n̄an jipan̄ ro jet kalōk naan in kam̧ool, bōk kain̄i in lo̧mo̧o̧r ko, kōjparok bujen ko, im erom̧ rikaļoor ro rekwojarjar an Jisōs Kraist. Rej kapilōk doon kōn aikuj ko an jiron̄ ro im likao ro ilo ward eo. Remaron̄ ekkōnono kōn m̧akūtkūt ko n̄an kakke aikuj ko. (Lale 11.3.4.4.)

N̄an eļapļo̧k unin tōl im kakien ko, lale jekjōn 11.6 ilo Bok in Bōk Meļeļe Eļap.