Mwioko

E buokiia natin te Atua aika aine te Bootaki n Ataeinnaine ni katauraoiia n oki Nakoina. E buokiia ataeinnaine n riki bwa ana reirei Iesu Kristo rinanon nako maiuiia ngkai a karaoi ao ni kawakin berita aika a tabu ao ni kakorakorai nanoia n rairaki. N aia kiraati ao aia ikoikotaki, ataeinnaine a beku ibukiia tabeman, a karaoi tibwangaia, a karekea te katiteuanaki, ao a reiakin ao a maiuakin reirei aika tabu. (Taraa Aeniboki ni Kabuta, 11.1.1.)

Beretitenti n te kiraati a na kaira ana waaki te kiraati n ira ana mwakuri te Atua ni kamaiu ao ni karietataaki, ni kinaia ao ni beku ibukiia ataeinnaine n tatabemaniia, ni bairei ao ni kairii boowin aia reirei n Tabati ao waaki ni kakukurei ake tabeua n ira ana kekeiaki te uoote n tibwa te euangkerio, ao n irii mwakuri n te tembora ao rongorongon te utu. (taraa 11.3.4.2). A na buokia ana kauntira.

Beretitentii n aia Kiraati Ataeinnaine a na boowi n taainako ao a na raonaki irouia taan kairiiri aika ikawai aika Ataeinnaine ake a katabeaki bwa a na boutokaiia. A ikotaki ni marooro ao n ukoukorii kaotioti iaon ana kantaninga te Uea ibukin aia kiraati. Boowi aikai a kona n raonaki ni marooro iaon buokakiia kaain te kiraati, ma te nano ae onoti iaon boutokakiia membwa aika a boou ao ni karoko irouia membwa ake aki bati ni kakaonimaki, ao bairean boowin te kiraati, mwakuri n ibuobuoki, ao waaki ni kakukurei. (Taraa 11.3.4.3.)

Te kauntira irouia kairake n te uoote a na marooroakin kawai ibukin buokaia aomata ni karikirakei aia koaua, karekei otenanti ni kamaiu, kawakin taian berita, ao n riki bwa taan iriira Iesu Kristo aika katabuaki. A na ikotaki ni marooro iaon kainnanoia ataeinnaine ao ataenimwaane inanon te uoote. A kona naba ni marooroakin waaki ni kakukurei n tobwai kainnano akanne. (Taraa 11.3.4.4.)

Ibukin reitan riki kainibaire ao kaetieti, taraa tiekition 11.6 n te Aeniboki ni Kabuta.