iTavi eso

Na isoqosoqo ni Goneyalewa e vukei ira na luvena yalewa lomani na Kalou mera vakavakarau mera lesu kina Nona iserau. Ena vukei ira na goneyalewa mera tisaipeli i Jisu Karisito ena nodra bula taucoko nira cakava ka maroroya na veiyalayalati tabu ka vakatitobutaka na nodra saumaki mai. Ena nodra kalasi kei na soqoni, o ira na gone yalewa era na qaravi ira na tani, vakayacora na itavi ena nodra veiyalayalati, tara cake na duavata, ka vulica ka bulataka na ivunau. (Raica na iVoladusidusi Raraba, 11.1.1.)

Era liutaka na peresitedi ni kalasi na sasaga ni kalasi mera vakaitavi ena cakacaka ni veivakabulai kei na bula vakacerecerei ni Kalou, kilai ira ka qaravi ira yadua na goneyalewa, tuvanaka ka liutaka na soqoni ni kalasi ni Sigatabu kei na itaviqaravi tale eso, vakaitavi ena sasaga ni tabanalevu me wasea na kosipeli, ka vakaitavi ena sasaga ni valetabu kei na tuvakawa (raica na 11.3.4.2). Me rau vukei koya na nona daunivakasala.

Era na dau sota wasoma na mataveiliutaki ni kalasi ni Goneyalewa ka ra tomani mai vei ira na iliuliu ni Goneyalewa uabula era lesi mera tokoni ira. Era na veivakasalataki vata ka vakasaqara na ivakatakila ni Turaga me baleta na Nona lewa kina nodra kalasi. Na bose oqo e rawa ni oka kina na veivosaki me baleta na nodra qaravi na lewe ni kalasi, ka vakabibi kina nodra tokoni na lewenilotu vou ka dolele yani vei ira na lewenilotu-luluqa, kei na tuvanaki ni soqoni vakalasi, veiqaravi, kei na itaviqaravi. (Raica na 11.3.4.3.)

Na matabose ni itabagone ena tabanalevu ena dau veivosakitaka na sala mera vukei kina na tani mera taracake na ivakadinadina, ciqoma na cakacaka vakalotu ni veivakabulai, maroroi veiyalayalati, ka yaco mera tisaipeli vakatabui i Jisu Karisito. Era na veivakasalataki vata me baleta na nodra gagadre na goneyalewa kei na cauravou ena tabanalevu. Era na rawa ni veivosakitaka na itaviqaravi me sotava na veigagadre oqori. (Raica na 11.3.4.4.)

Me baleta na ikuri ni idusidusi kei na lawatu, raica na iwasewase 11.6 ena iVoladusidusi Raraba.