Mga Responsibilidad

Ang organisasyon sa Young Women nagtabang sa hinigugmang anak nga mga babaye sa Dios nga makaandam sa pagbalik ngadto sa Iyang presensya. Kini nagtabang sa mga batan-ong babaye nga mahimong disipulo ni Jesukristo sa ilang tibuok kinabuhi samtang sila mohimo ug motuman sa sagrado nga mga pakigsaad ug mopalawom sa ilang pagkakabig. Sa ilang mga klase ug mga panagpundok, ang mga batan-ong babaye moserbisyo sa uban, motuman sa mga responsibilidad sa pakigsaad, mopalambo og panaghiusa, ug mokat-on ug mosunod sa doktrina. (Tan-awa sa Kinatibuk-ang Tamdanan nga Basahon, 11.1.1.)

Ang mga presidente sa klase mangulo sa mga paningkamot sa klase sa pag-apil sa buhat sa Dios sa kaluwasan ug kahimayaan, moila-ila ug moserbisyo sa matag batan-ong babaye, magplano ug mopahigayon sa mga miting sa klase sa Dominggo ug uban pa nga mga kalihokan, moapil sa mga paningkamot sa ward sa pagpakigbahin sa ebanghelyo, ug moapil sa mga paningkamot sa templo ug family history (tan-awa sa 11.3.4.2). Ang iyang mga magtatambag moabag kaniya.

Ang mga kapangulohan sa klase sa Young Women kanunay nga magkita ug ubanan sa hamtong nga mga lider sa Young Women nga gi-assign nga mo-suporta nila. Sila magtinambagay ug magtinguha og pagpadayag mahitungod sa kabubut-on sa Ginoo alang sa ilang klase. Kini nga mga miting mahimong maglakip sa mga panaghisgotan unsaon sa pagserbisyo sa mga sakop sa klase, uban ang espesyal nga pagtagad sa pagsuporta sa bag-ong mga miyembro ug sa pagluwas sa dili kaayo aktibo nga mga miyembro, ug pagplano og mga miting alang sa klase, serbisyo, ug mga kalihokan. (Tan-awa sa 11.3.4.3.)

Ang konseho sa kabatan-onan sa ward maghisgot og mga pamaagi nga matabangan ang uban nga molambo ang mga pagpamatuod, modawat sa makaluwas nga mga ordinansa, motuman sa mga pakigsaad, ug mahimong mapahinungorong mga sumusunod ni Jesukristo. Sila magtinambagay mahitungod sa mga panginahanglan sa mga batan-ong babaye ug sa mga batan-ong lalaki sa ward. Sila mahimong maghisgot og mga kalihokan aron matubag kini nga mga panginahanglan. (Tan-awa sa 11.3.4.4.)

Alang sa dugang nga mga lagda ug mga palisiya, tan-awa sa seksiyon 11.6 diha sa Kinatibuk-ang Tamdanan nga Basahon.