Koling blong Mi olsem wan Klas Presiden blong Ol Yang Woman
Ol Responsabiliti
Lod i glad from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti blong koling blong yu.
Stamba tingting blong Ol Yang Woman
Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. Hem i helpem ol yang woman blong kam ol disaepol blong Jisas Kraes blong ful laef blong olgeta, taem oli stap mekem mo kipim ol tabu kavenan mo jenisim laef blong olgeta moa i go long Jisas. Insaed long ol klas mo kam tugeta blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lanem mo laef folem doktrin. (Luk long Jeneral Hanbuk, 11.1.1.)
Yang Woman Klas Presiden
Ol klas presiden oli lidim ol wok blong klas blong tekpat long wok blong God long fasin blong sevem man mo kam olsem wan god; kam blong save mo givim seves long wanwan yang woman, mekem plan mo lidim ol Sandei klas miting mo ol nara aktiviti, tekpat long ol wok insaed long wod blong serem gospel, mo blong tekpat long ol wok blong tempol mo famli histri (luk long 11.3.4.2). Ol kaonsela blong hem oli stap helpem hem.
Ol Presidensi Miting
Ol klas presidensi blong ol yang woman oli mit oltaem mo joen wetem ol adalt Yang Woman lida we oli givim wok long olgeta blong sapotem klas presidensi. Oli kaonsel tugeta mo oli lukaotem blong kasem revelesen abaot tingting blong Lod long saed blong ol klas blong olgeta. Ol miting ia i save tekem tu ol storian long saed blong stap givim seves long ol memba blong klas, wetem spesel lukluk blong stap sapotem ol niu memba mo stap go lukaotem mo helpem ol lesaktiv memba, mo stap mekem plan blong ol klas miting, givim seves, mo ol nara aktiviti. (Luk long 11.3.4.3.)
Wod Yut Kaonsel
Ol memba blong wod yut kaonsel oli toktok raon long ol wei blong helpem ol narawan blong bildimap testemoni blong olgeta, blong kasem ol odinens we i sevem man, blong kipim ol kavenan, mo blong kam ol man mo ol woman we oli givim olgeta fulwan blong stap folem Jisas Kraes. Oli kaonsel tugeta abaot ol nid blong ol yang woman mo ol yang man insaed long wod. Oli save toktok raon long ol aktiviti blong lukluk long ol nid ia. (Luk long 11.3.4.4.)
Ol Gaedlaen mo Polisi
Blong gat sam moa gaedlaen mo ol polisi, luk long seksen 11.6 insaed long Jeneral Hanbuk.