Te mau hōpoi’a

E tauturu te ’āvirira’a o te Feiā ’Āpī Tamāhine i te mau tamāhine herehia a te Atua, ’ia fa’aineine nō te ho’i atu i mua i tōna aro. E tauturu te reira i te feiā ’āpī tamāhine ’ia riro ’ei pipi nā Iesu Mesia nō te orara’a tā’āto’a, ’a rave ai ’e ’a ha’apa’o ai rātou i te mau fafaura’a mo’a, ’e ’a fa’ahōhonu ai i tō rātou fa’afāriura’a. I roto i tā rātou mau piha ’e mau putuputura’a, e tāvini te feiā ’āpī tamāhine ia vetahi ’ē, e rave fa’aoti i te mau hōpoi’a o te fafaura’a, e patu i te tāhō’ēra’a, ’e e ha’api’i mai ’e e ora i te ha’api’ira’a tumu. (Hi’o Buka arata’i rahi, 11.1.1.)

E arata’i te peresideni piha tamāhine ’e tōna nā tauturu i te mau tauto’ora’a a te piha tamāhine nō te ’āmui i roto i te ’ohipa a te Atua nō te fa’aorara’a ’e te fa’ateiteira’a, e ha’amātau rātou ’e e tāvini ho’i i te tamāhine tāta’itahi, e fa’anaho ’e e fa’atere i te mau rurura’a a te piha i te sābati ’e te tahi atu mau ’ātivite, e ’āmui rātou i roto i te mau tauto’ora’a a te pāroita nō te fa’a’ite i te ’evanelia, ’e nō te ’āmui i roto i te mau tauto’ora’a nō te hiero ’e te ’ā’amu ’utuāfare (hi’o 11.3.4.2).

E putuputu pinepine te mau peresidenira’a piha feiā ’āpī tamāhine ma te ’āmui ato’a mai te feiā fa’atere feiā nō te Feiā ’Āpī Tamāhine tei fa’auehia ’ia turu ia rātou. E ’āpo’o ’āmui rātou nō te ’imi i te heheura’a nō ni’a i te hina’aro o te Fatu nō tā rātou piha tamāhine. I roto i teie mau rurura’a, e nehenehe e ’āparau nō ni’a i te tāvinira’a i te mau melo o te piha tamāhine, ma te ha’apa’o ta’a ’ē i te turura’a i te mau melo ’āpī ’e te torora’a i te rima i te mau melo paruparu, ’e te fa’anahora’a i te mau rurura’a a te piha tamāhine, te ’ohipa tāvinira’a ’e te mau ’ātivite. (Hi’o 11.3.4.3.)

Nō te tahi atu ā parau arata’i ’e ture, hi’o i te tuha’a 11.6 o te Buka arata’i rahi.