Majukumu

Kikundi cha Wasichana huwasaidia mabinti wapendwa wa Mungu kujiandaa kurudi katika uwepo Wake. Inawasaidia wasichana kuwa wanafunzi wa Yesu Kristo kwa maisha yote wanapofanya na kushika maagano matakatifu na kuzidisha kina cha uongofu wao. Katika madarasa yao, na mikusanyiko, wasichana wanawatumikia wengine, wanatimiza majukumu ya kimaagano, kujenga umoja, na kujifunza na kuishi mafundisho. (Ona Kitabu cha Maelezo ya Jumla, 11.1.1.)

Rais wa darasa na washauri wake wanaongoza juhudi za darasa za kushiriki katika kazi ya Mungu ya wokovu na kuinuliwa, kupata kujuana na kutumikiana wao kwa wao, kupanga na kuendesha mikutano ya darasa la Jumapili na shughuli zingine, kushiriki katika juhudi za kata za kuhubiri injili, na kushiriki katika juhudi za kazi ya hekalu na historia ya familia (ona 11.3.4.2).

Urais wa darasa la Wasichana hukutana mara kwa mara na wanaungana na viongozi watu wazima wa Wasichana waliopangiwa kuwasaidia. Wanashauriana pamoja na kutafuta ufunuo kuhusu mapenzi ya Bwana kwa darasa lao. Mikutano hii inaweza kujumuisha majadiliano juu ya kuwatumikia washiriki wa darasa, na umakini maalum katika kuwasaidia waumini wapya na kuwafikia waumini wasio shiriki kikamilifu, na kupanga mikutano ya darasa, huduma, na shughuli. (Ona 11.3.4.3.)

Kwa ziada kuhusu miongozo na sera, ona sehemu ya 11.6 katika Kitabu cha Maelezo ya Jumla.