Eddo ko

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro erom̧ rikaļoor ro an Jisōs Kraist ilo aer kōm̧m̧ani im kōjparok bujen ko rekwojarjar im kam̧wilaļļo̧k oktak eo aer. Ilo kūlaaj ko im aer ippān doon, jiron̄ ro rej jipan̄ doon, kakūrm̧ool eddo ko an bujen eo, juon wōt, im ekkatak im mour kōn katak eo. (Lale Bok in Bōk Meļeļe Eļap, 11.1.1.)

Kūlaaj būreejtōn eo im rikakpilōklōk ro an rej tōl kijejeto ko an kūlaaj eo n̄an bōk koņaer ilo jerbal in lo̧mo̧o̧r in an Anij, jeļā kajjien im jerbal n̄an kajjojo jiron̄ ro, karōk im tōl kweilo̧k in kūlaaj ko ilo Jabōt im m̧akūtkūt ko jet, bōk koņaer ilo kijejeto ko an ward n̄an kwaļo̧k gospel in, im bōk koņaer ilo kijejto ko an tampeļ im menmenbwij an baam̧le (lale 11.3.4.2).

Kūlaaj būreejtōnji ro an Doulul eo an Jiron̄ ro rej kweilo̧k emakijkij im ej kobatok ritōl rūtto ro kar jitōn̄ er n̄an Doulul eo an Jiron̄ ro n̄an jipan̄ er. Ilo iien kweilo̧k ko, ritōl ro rej ko̧o̧njeļ ippān doon n̄an pukot revelesōn kōn ankilaan Irooj n̄an kūlaaj ko aer. Kweilo̧k kein ekitbuuj kōnono ko n̄an jipan̄ ro uwaan kūlaaj eo, n̄an jipan̄ membōr ro rekāāl n̄an tōpar membōr ro rejeniknik, im karōk kweilo̧k ko an kūlaaj, jerbal in jipan̄, im m̧akūtkūt ko. (Lale 11.3.4.3.)

N̄an eļapļo̧k unin tōl im kakien ko jet, lale jekjōn 11.6 in Bok in Bōk Meļeļe Eļap.