Dagiti Pagrebbengan

Tulongan ti organisasion ti Young Women dagiti ipatpateg nga annak a babbai ti Dios nga agsagana nga agsubli iti sidongna. Tulonganna dagiti agtutubo a babbai nga agbalin a tungpal-biag a disipulo ni Jesucristo bayat ti panangaramid ken panangtungpalda kadagiti sagrado a katulagan ken panangpaunegda iti pannakakumbertda. Kadagiti klase ken panagu-ummongda, agserbi dagiti agtutubo a babbai iti dadduma, ipatungpalda dagiti pagrebbenganda iti katulagan, mangbangon iti panagkaykaysa, ken agsursuro ken agbiag iti doktrina. (Kitaen iti Sapasap a Handbook, 11.1.1.)

Idauluan ti presidente ti klase ken dagiti mamagbagana dagiti panagregget ti klase a makipaset iti aramid ti Dios iti pannakaisalakan ken pannakaitan-ok, mangam-ammo ken agserbi iti tunggal agtutubo a babai, agplano ken mangidaulo kadagiti miting ti Sunday class ken dadduma pay nga aktibidad, makipaset kadagiti panagregget iti ward a mangibinglay iti ebanghelio, ken makipaset kadagiti panagregget iti temple ken family history (kitaen iti 11.3.4.2).

Regular nga agtataripnong dagiti panguluen ti klase dagiti Agtutubo a Babbai ken kaduada dagiti nataengan a lider ti Agtutubo a Babbai a naituding a mangsuporta kadakuada. Aggiinnumanda a sangkamaysa ken umawat iti paltiing maipapan iti pagayatan ti Apo para iti klaseda. Dagitoy a miting ket mabalin a mangiraman kadagiti panaglilinnawag maipapan iti panagserbi kadagiti kameng ti klase, nga addaan iti naisangsangayan nga atension iti panangsuporta kadagiti baro a miembro ken panangtulong kadagiti saan unay nga aktibo a miembro, ken panagplano kadagiti miting ti klase, serbisio, ken aktibidad. (Kitaen iti 11.3.4.3.)

Para kadagiti mainayon a pangiwanwan ken annuroten, kitaen iti benneg 11.6 iti Sapasap a Handbook.