Mwioko

E buokiia natin te Atua aika aine te Bootaki n Ataeinnaine ni katauraoia n oki Nakoina. E buokiia ataeinnaine bwa a na riki bwa ana reirei Iesu Kristo inanon maiuiia ngkai a karaoi ao a kawakin berita aika a tabu ao ni kamatoai nanoia n rairakiia. N aia kiraati ao aia bobotaki, ataeinnaine a beku ibukiia tabeman, a karaoi tibwangaia n te berita ae tabu, a karekea te katiteuanaki, ao a reiakin ao a maiuakin reirei. (Taraa Aeniboki ni Kabuta, 11.1.1.)

Te beretitenti n te kiraati ao ana kauntira a na kaira ana waaki te kiraati ni karaoan ana mwakuri te Atua ni kamaiu ao ni karietataaki, kinaiia ao ni beku ibukiia ataeinnaine n tatabemaniia, bairei ao ni karaoi boowin kiraati n te Tabati ao waaki ni kakukurei tabeua, n ira ana waaki te uoote n tibwa te euangkerio, ao mwakuri n te tembora, ao rongorongon te utu (taraa 11.3.4.2).

Beretitentii n aia Kiraati Kairake n Ataeinnaine a kakaitibo n tainako ao a raonaki irouia aia taan kairiiri Ataeinnaine ake a katabeaki bwa ana boutokaia. A ikotaki ni marooro ao a ukora te kaotioti iaon ana kantaninga te Uea ibukin aia kiraati. Bootaki aikai a kona n raonaki ni maroro iaon buokakiia kain te kiraati, ma taraakin bwaai aika a onoti ake a na boutokaia membwa aika a boou ao ni karoko irouia membwa ake aki bati ni kakaonimaki, ao baireai boowin kiraati, mwakuri n ibuobuoki, ao waaki ni kakukurei. (Taraa 11.3.4.3.)

Ibukin reitan riki kainibaire ao kaetieti, taraa tiekition 11.6 n te Aeniboki ni Kabuta.