iTavi eso

Na isoqosoqo ni Goneyalewa e vukei ira na luvena yalewa lomani ni Kalou me ra vakavakarau mera lesu ki na Nona iserau. Ena vukei ira na goneyalewa me ra tisaipeli tudei i Jisu Karisito ena nodra cakava ka maroroya na veiyalayalati tabu ka vakatitobutaka na nodra saumaki mai. Ena nodra kalasi kei na soqonivata, na gone yalewa era na qaravi ira na tani, vakayacora na itavi ni veiyalayalati, tara cake na duavata, ka vulica ka bulataka na ivunau. (Raica na iVoladusidusi Raraba, 11.1.1

Eratou na liutaka na peresitedi ni kalasi kei rau na nona daunivakasala na sasaga ni kalasi me ra vakaitavi ena cakacaka ni veivakabulai kei na bula vakacerecerei ni Kalou, mo kilai ira ka qaravi ira yadua na goneyalewa, tuvanaka ka liutaka na soqoni ni kalasi ena Sigatabu kei na itaviqaravi tale eso, vakaitavi ena sasaga ni tabanalevu ni wasea na kosipeli, ka vakaitavi ena sasaga ni valetabu kei na tuvakawa (raica na 11.3.4.2).

Era dau sota wasoma na mataveiliutaki ni kalasi ni Goneyalewa ka ra na tomani mai vei ira na iliuliu ni Goneyalewa uabula era lesi mera tokoni ira. Era veivakasalataki vata ka vakasaqara na ivakatakila me baleta na lewa ni Turaga ena vuku ni nodra kalasi. Na bose oqo e rawa ni oka kina na veivosaki me baleta na nodra qaravi na lewe ni kalasi, ena kena vakatabakiduataki na nodra tokoni na lewenilotu vou kei na nodra dolele yani vei ira na lewenilotu luluqa tu vakalotu, kei na tuvanaki ni bose ni kalasi, veiqaravi, kei na itaviqaravi. (Raica na 11.3.4.3.)

Me baleta na ikuri ni idusidusi kei na lawatu, raica na iwasewase 11.6 ena iVoladusidusi Raraba.