Ol Responsabiliti

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. I helpem ol yang woman blong kam ol disaepol blong Jisas Kraes blong ful laef blong olgeta, taem oli mekem mo kipim ol tabu kavenan mo jenisim laef blong olgeta moa i go long Jisas. Insaed long ol klas mo kam tugeta blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lanem mo laef folem doktrin. (Luk long Jeneral Hanbuk, 11.1.1.)

Klas presiden mo ol kaonsela blong hem oli lidim ol wok blong klas blong tekpat long wok blong God long fasin blong sevem man mo kam olsem wan go; kam blong save mo givim seves long wanwan yang woman, mekem plan mo lidim ol Sandei klas miting mo ol nara aktiviti, tekpat long ol wok insaed long wod blong serem gospel, mo tekpat insaed long tempol mo famli histri (luk long 11.3.4.2).

Ol klas presidensi blong ol yang woman oli mit oltaem mo joen wetem ol adalt lida blong Yang woman we oli givim wok long olgeta blong sapotem klas presidensi. Oli kaonsel tugeta mo oli lukaotem blong kasem revelesen abaot tingting blong Lod long saed blong ol klas blong olgeta. Ol miting ya i save tekem tu ol storian long saed blong givim seves long ol memba blong klas, wetem spesel lukluk blong sapotem ol niu memba mo stap go lukaotem mo helpem ol lesaktiv memba, mo stap mekem plan blong ol klas miting, givim seves, mo ol aktiviti. (Luk long 11.3.4.3.)

Blong gat sam moa gaedlaen mo ol polisi, luk long seksen 11.6 insaed long Jeneral Hanbuk.