Mwioko

Anene aika a tabu a karikirakea ara onimaki iroun Iesu Kristo. E karokoa te Tamnei ae raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo. E taekinna te Uea, “Bwa e kimwareirei tamneiu n te anene man te nano” (Reirei ao Berita aika Tabu 25:12). (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 19.1.)

E buokiia kaain te uoote te kouoteneita n te anene n te uoote ni karikirakea te onimaki iroun ao n neboakin Tamara are i Karawa ao Iesu Kristo rinanon anene aika tabu. A mwakuri iaan ana kairiiri te bitiobi. A riki kouoteneita n te uoote bwa taan ibuobuoki ibukin te bitiobi ao taan kairiri ake tabeman n te uoote iaon bwaai ake a kaineti ma te anene. A kona kouoteneita n te anene n irii bootaki n te kauntira n te uoote ngkana e kaoaki iroun te bitiobi. (Taraa 19.4.2.)

“Anene aika a riinga te nano bon mwakoron waakin ara bootaki n taromauri ae kakawaki” (Anene n Taromauri, Moan Taeka n te Moan Beretitentii). A riai anene ake a rineaki n reiakina te euangkerio ma te mwaaka ao ni mataata (taraa 19.3.1).

Anene n te bootaki n toa a raonaki n aneneakin anene n taromauri ni kaukan ao kainan te bootaki ao imwaain katabuan ao kabutan te toa. E kona te bootaki n te toa ni karina teuana ke e raka riki n anene n taromauri ke anene aika a rineaki. A konaa anene n taromauri ke anene aika rineaki ni kabonganaaki bwa anene imwaain ao imwiin bootaki, anene n te kuaea, ao te bwana ae ti temanna ke te kurubu ae uarereke ae katauraoaki. (Taraa 19.3.2.)

Te kouoteneita n te anene n te uoote e anga ao ni kairiia membwa ibukin taian mwakuri n te wewete n te anene n te uoote. E na anga te boutoka, kaetieti ao n tararuai kataneiai n te anene ngkana e kainanoaki. (Taraa 19.6.) Ngkana akea taan katangitang ae tauraoi ibukin bootaki n te uoote, taraa mwakoro 19.4.3.2 n te Aeniboki ni Kabuta ni karekei katangitang ake a tia n raweaki.

Ibukin riki kaetieti ao kainibaire, n aron karekean anene, kabonganaakin bwaai ni katangitangi ibukin te rei, ke te kuaea ibukin te komiunite, taraa mwakoro 19.7 n te Aeniboki ni Kabuta.