Eddo ko

Doulul ko an Priesthood eo an Aron ej jipan̄ likao ro kōm̧m̧an im kōjparok bujen ko rekwojarjar im kam̧wilaļ ļo̧k oktak tok eo aer n̄an Jisōs Kraist im gospel eo An. Jibadbad eo an juon doulul eo ej n̄an jipan̄ rikabwijer priesthood ro jerbal ippān doon n̄an kōtōprak jerbal in lo̧mo̧o̧r eo an Anij im mour ijo eutietata. Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar Ilo Raan Ko Āļiktata, 10.1, Gospel Library.)

Likao ro remaron̄ koba ippān doulul eo an rūkaki ro ilo jinoin Jānwōde ilo iiō eo me ej jejjet 14 aer iiō. Ilo iien in remaron̄ ekkapit āinwōt rūkaki ro eļan̄n̄e rej pojak im erreo. Rūkaki ro jon̄an wōt juon jerbal ko aer āinwōt tikōn ro. Rej barāinwōt kōpooj kwojkwoj eo im jerbal āinwōt rikarejar m̧aan ro. Eddo ko jet kar kōmeļeļeiki ilo Katak im Bujen Ko 20:53–59; 84:111. (Lale 10.1.3.2.)

Eddo ko an būreejtōn eo an doulul eo an rūkaki ro ekoba tōl jerbal ko rem̧m̧an an doulul eo ilo bōk konaer ilo jerbal in lo̧mo̧o̧r an Anij im mour ijo eutiejtata; joļo̧k iien ippān ro uwaan doulul eo im jerbal n̄an ro uwaan doulul eo. Ekoba likao ro rejjab pād ilo kweilo̧k ko an doulul eo. Kakajoorļo̧k ro uwaan doulul eo rekāāl im ro rej kab bar rooltok; katakin ro uwaan doulul ko eo eddo ko an priesthood eo aer; im karōk im tōl kweilo̧k ko an doulul eo (lale 10.4.2). Būreejtōnji an doulul eo rej aikuj in emakijkij aer kweilo̧k (lale 10.4.3).

Būreejtōn eo an doulul eo an rūkaki ro ej juon membōr in ko̧o̧njeļ an jodikdik ilo ward eo. Jibadbad eo an ko̧o̧njeļ in ej n̄an jipan̄ karuwainene ro jet n̄an itok n̄an Jisōs Kraist im kōttōprak jerbal in lo̧mo̧o̧r im mour ijo eutiejtata. Bisop eo ej tōl ilo ko̧o̧njeļ an jodikdik ilo ward eo. (Lale 10.4.4.)

Bisoprik eo im ritōl ro an doulul eo an jodikdik ro, kōn jipan̄ jān rikapilōk ro, rej karōk jerbal in jipan̄ im m̧akūtkūt ko. Rej aikuj jipan̄ kōttōprak jerbal in lo̧mo̧o̧r eo im mour ilo aiboojoj eo eutiejtata. Rej aikuj jon̄an wōt juon ilubwiljin eria ko emān ikkijeen eddōkļo̧k an juon make: ilo jetōb, iiaio, kanniōk, im jeļāļo̧kjeņ. (Lale 10.2.1.3.)

Kakobaba ko jet kōn laajrakin unin tōl im kakien ko, ekoba rie likao ro ewōr m̧ōjno ko ilo ānbwinier, leļo̧k nōbar n̄an ajri ro im Jodikdik ro, im aiini menin joortak ko, rej waļo̧k ilo jekjōn 10.8 in Bok in Bōk Meļeļe Eļap.