Mwioko

Kooram n te Nakoanibonga ae te Aaron a buokiia ataeinimwaane ni karaoi ao ni kawakini berita aika tabu ao ni kamatoa rairakiia nakon Iesu Kristo ao Ana euangkerio. Te kantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira, 10.1, Gospel Library.)

Ataeinimwaane a kaaina aia kooram taan reirei ni moa man Tianuare n te ririki are koro iai 14 te ririki. N te tai anne are a tau naba ni katabuaki bwa tia reirei ngkana a tauraoi ao a tau. Taan reirei e na tii te arona tabeia ma riikan. A katauraoa naba te toa ao a beku bwa taari n ibuobuoki. Tabeia riki tabeua a kabwarabwaraki i nanon Reirei ao Berita aika Tabu 20:53–59; 84:111. (Taraa 10.1.3.2.)

Mwiokoan te beretitenti n aia kooram Taan reirei n ikotaki ma kairan te kooram n ira ana mwkauri te Atua n te mwakuri ni kamaiu ao te karietataaki; ni kinaia ao n ibuobuoki imarenaia kaain te kooram, n ikotaki ma koraki ake aki rooroko n te boowi; kakorakoraaia ake a boou ao membwa ake a manga oki; reireinaia kaain te kooram aia mwakuri n te nakoanibonga; ao babairean ao kairan boowin te kooram (taraa 10.4.2). Te beretitentii n te kooram a na kakaraoa aia bowi n te tai ae mwaiti (taraa 10.4. 3).

Te beretitenti n aia kooram taan reirei bon te membwa n ana kauntira te uoote ibukiia kairake. Oin te kantaninga n te kauntira aei bon buokakiia kairake bwa a na kairiia tabeman nakon Iesu Kristo ao ni buoka katiaan te mwakuri ni kamaiu ao te karietataaki. Te bitiobi ngaia ae e na tararuaa aia kauntira kairake n te uoote. (Taraa 10.4.4.)

Te bitiobiriki ao taan kairiri irouia kairake, ni boutokaki irouia taan ibuobuoki, a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ibukin te mwakuri ni kamaiu ao te karietataaki. A riai ni baeranti inanon aua mwakoron te rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao kaetieti riki tabeua, n ikotaki ma boutokakiia ataeinimwaane ma ake aki toamau, karekean kanikina irouia Ataei ao te Roronrikirake, ao ikotakin angabwai n aki mamatam, a kona n reke n te mwakoro 10.8 n te Aeniboki ni Kabuta.