Te mau hōpoi’a

E tauturu te Ha’api’ira’a Sābati i te fa’atupura’a i te ’ohipa nō te fa’aorara’a ’e te fa’ateiteira’a a te Atua. E ravehia te reira nā roto i te tauturura’a i te mau tamari’i a te Atua ’ia ha’api’i ’e ’ia ora i te ’evanelia a Iesu Mesia.(hi’o Buka Arata’i rahi, 13.1).

E ti’a i te mau ’orometua ha’api’i o te Ha’api’ira’a Sābati ’ia matau maita’i i te mau melo o te piha ha’api’ira’a, tae noa atu ia rātou ’aita e haere mai nei i te piha ha’api’ira’a. E pāturu te mau ’orometua ha’api’i i te mau melo i roto i tā rātou mau tauto’ora’a nō te ha’api’i mai ’e nō te ora i te ’evanelia a Iesu Mesia (hi’o 13.2.3). E arata’ihia te mau ’orometua ha’api’i e te peresidenira’a Ha’api’ira’a Sābati o te pāroita ’e e haere rātou i te mau rurura’a ’āpo’ora’a toru ’āva’e a te mau ’orometua ha’api’i (hi’o 17.4).

E fa’aterehia te mau piha ha’api’ira’a a te Ha’api’ira’a Sābati i te sābati mātāmua ’e te toru o te ’āva’e. E 50 minuti te maoro. Te rahi o te mau piha, tei te huru ïa i te mau hina’aro o te pāroita tāta’itahi. Nō te fa’aineine i te ha’api’i i te ta’ata, e fa’a’ohipa te mau ’orometua ha’api’i nō te Ha’api’ira’a Sābati i te mau pāpa’ira’a mo’a ’e te tārena ha’api’ira’a i roto i te Mai, pe’e mai (hi’o 13.3).

Te ha’api’ira’a mai tā te Fa’aora te huru, e ti’aturira’a ’e e hōpoi’a mo’a ïa te reira. ’Ia ha’api’i ana’e i te ’evanelia, e pe’e i te hi’ora’a o te Fa’aora, ’o ’oia ho’i te ’Orometua Ha’api’i Rahi. E pe’e te mau ’orometua ha’api’i nō te Ha’api’ira’a Sābati i te mau parau tumu i roto i te Ha’api’ira’a mai tā te Fa’aora ’e te pene 17 o te Buka arata’i rahi (hi’o 17.1).

Nō te riro ’ei ta’ata fa’afāriuhia i te Fatu ia Iesu Mesia, e hōpoi’a nā te melo tāta’itahi o te ’Ēkālesia ’ia ’apo mai i te ’evanelia nōna iho. E fa’aitoito te mau ’orometua ha’api’i ’e te feiā fa’atere i te mau melo ’ia ’imi i tō rātou iho fa’aurura’a, nō ni’a i te huru e ’imi ’e e ha’api’i i te ’evanelia (hi’o 17.2).