Tiutetauave

O le Aoga Sa e fesoasoani i le faataunuuina o le galuega a le Atua mo le faaolataga ma le faaeaga. Na te faia lenei mea e ala i le fesoasoani i fanau a le Atua e aoao ma ola ai i le talalelei a Iesu Keriso.(tagai i le Tusitaulima Aoao, 13.1).

Ia iloa e faiaoga o le Aoga Sa ia tagata o le vasega, e aofia ai ma i latou o e le auai mai i vasega. E lagolagoina e faiaoga tagata o le ekalesia i a latou taumafaiga e aoao ma ola i le talalelei a Iesu Keriso (tagai i le 13.2.3). O faiaoga e taitaia e le au peresitene o le Aoga Sa a le uarota ma auai i fonotaga faalekuata a aufono a faiaoga (tagai i le 17.4).

E faia ia vasega o le Aoga Sa i Aso Sa muamua ma lona tolu o masina taitasi. E 50 minute le umi. O le toatele o le vasega e eseese e fua i manaoga o uarota taitasi. Ina ia saunia e aoao atu, e faaaoga e faiaoga o le Aoga Sa tusitusiga paia ma lesona ua faatulagaina i le Sau, Mulimuli Mai ia te A’u (tagai i le 13.3).

O le A’oa’o Atu i le Ala a le Faaola o se matafaioi ma se tiutetauave paia. Pe a a’oa’o atu le talalelei, e mulimuli i le faataitaiga a le Faaola, Faiaoga o Faiaoga. O faiaoga o le Aoga Sa e mulimuli i mataupu faavae o loo i le Aoao Atu i le Ala a le Faaola ma le mataupu 17 o le Tusitaulima Aoao (tagai i le 17.1).

Ina ia liua i le Alii o Iesu Keriso, e nafa tagata taitasi o le Ekalesia ma le aoaoina mai o le talalelei mo i latou lava. O faiaoga ma taitai e nafa ma le uunaia o tagata o le au paia e sailia a latou lava musumusuga e uiga i le ala e suesue ai ma a’oa’o atu ai le talalelei (tagai i le 17.2).