ការហៅរបស់ខ្ញុំជាគ្រូបង្រៀនសាលាថ្ងៃអាទិត្យ
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងនៃសាលាថ្ងៃអាទិត្យ
សាលាថ្ងៃអាទិត្យជួយសម្រេចកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ ។ ថ្នាក់នេះសម្រេចបែបនេះបាន តាមរយៈការជួយបុត្រាបុត្រីរបស់ព្រះឲ្យរៀនសូត្រ ហើយរស់នៅតាមដំណឹងល្អនៃព្រះយេស៊ូវគ្រីស្ទ ( សូមមើល ក្បួនខ្នាតទូទៅ, ១៣.១ ) ។
គ្រូបង្រៀនសាលាថ្ងៃអាទិត្យ
គ្រូបង្រៀនសាលាថ្ងៃអាទិត្យរៀនស្គាល់សមាជិកក្នុងថ្នាក់ រួមទាំងអ្នកដែលមិនបានចូលរៀននៅក្នុងថ្នាក់ផងដែរ ។ គ្រូបង្រៀនគាំទ្រដល់សមាជិកដែលខិតខំរៀនសូត្រ និងរស់នៅតាមដំណឹងល្អនៃព្រះយេស៊ូវគ្រីស្ទ ( សូមមើល ១៣.២.៣) ។ គ្រូបង្រៀនត្រូវបានដឹកនាំដោយគណៈប្រធានសាលាថ្ងៃអាទិត្យវួដ និងចូលរួមការប្រជុំក្រុមប្រឹក្សាគ្រូបង្រៀនរាល់បីខែម្ដង ( សូមមើល ១៧.៤) ។
ថ្នាក់សាលាថ្ងៃអាទិត្យ
ថ្នាក់សាលាថ្ងៃអាទិត្យធ្វើឡើងនៅថ្ងៃអាទិត្យទីមួយ និងទីបីនៃខែនីមួយៗ ។ វាមានរយៈពេល ៥០ នាទី ។ ទំហំថ្នាក់ប្រែប្រួលដោយផ្អែកលើតម្រូវការរបស់វួដនីមួយៗ ។ ដើម្បីរៀបចំបង្រៀន គ្រូបង្រៀនសាលាថ្ងៃអាទិត្យប្រើបទគម្ពីរ និងមេរៀនតាមកាលវិភាគដែលនៅក្នុងសៀវភៅ ចូរមកតាមខ្ញុំ ( សូមមើល ១៣.៣) ។
គោលការណ៍ទាំងឡាយនៃការបង្រៀនដូចជាព្រះគ្រីស្ទ
ការបង្រៀនតាមរបៀបរបស់ព្រះអង្គសង្គ្រោះគឺជាការទុកចិត្ត និងការទទួលខុសត្រូវដ៏ពិសិដ្ឋមួយ ។ នៅពេលបង្រៀនដំណឹងល្អ សូមធ្វើតាមគំរូរបស់ព្រះអង្គសង្គ្រោះ ដែលទ្រង់គឺជាគ្រូបង្រៀនដ៏ឆ្នើម ។ គ្រូបង្រៀនសាលាថ្ងៃអាទិត្យធ្វើតាមគោលការណ៍នៅក្នុង ការបង្រៀនតាមរបៀបរបស់ព្រះអង្គសង្គ្រោះ និង ជំពូកទី ១៧ នៃ ក្បួនខ្នាតទូទៅ ( សូមមើល ១៧.១ ) ។
ការរៀនសូត្រដំណឹងល្អដែលផ្តោតលើគេហដ្ឋាន
ដើម្បីមានការប្រែចិត្តជឿលើព្រះអម្ចាស់ព្រះយេស៊ូវគ្រីស្ទ នោះសមាជិកម្នាក់ៗក្នុងសាសនាចក្រមានការទទួលខុសត្រូវក្នុងការរៀនសូត្រដំណឹងល្អដោយខ្លួនឯង ។ គ្រូបង្រៀន និងថ្នាក់ដឹកនាំមានទំនួលខុសត្រូវក្នុងការលើកទឹកចិត្តសមាជិកឲ្យស្វែងរកការបំផុសគំនិតផ្ទាល់ខ្លួនអំពីរបៀបសិក្សា និងបង្រៀនដំណឹងល្អ ( សូមមើល ១៧.២ ) ។