Li k’a’ru teneb’anb’il

Li Dominkil Tzoleb’aal natenq’an chixb’aanunkil lix k’anjel li Dios re li kolb’a-ib’ ut li taqenaqil loq’al. Naxb’aanu a’in rik’in xtenq’ankileb’ li ralal xk’ajol li Dios chixtzolb’al ut chixyu’aminkil lix evangelio li Jesukristo (chi’ilmanq Jolomil K’anjenel Hu, 13.1).

Eb’ laj k’utunel sa’ li Dominkil Tzoleb’aal neke’xyal xnawb’aleb’ ru li komon, jo’eb’ ajwi’ li ink’a’ yookeb’ chi wulak. Eb’ laj k’utunel neke’xtenq’aheb’ li komon sa’ xyalb’aleb’ xq’e chixtzolb’al ut chixyu’aminkil lix evangelio li Jesukristo (chi’ilmanq 13.2.3). Eb’ laj k’utunel b’eresinb’ileb’ xb’aan li awa’b’ejil re li Dominkil Tzoleb’aal ut neke’wulak sa’ li ch’utam reheb’ laj k’utunel li nab’aanuman rajlal oxib’ po (chi’ilmanq 17.4).

Na’ux li tzolok sa’ li Dominkil Tzoleb’aal chiru li xb’een ut li rox domingo re li po. Neke’b’ay 50 k’asal. Lix k’ihal li tzolok jalan jalanq a’ yaal rajom ru li junjunq chi teep. Re xkawresinkileb’ rib’ re k’utuk, eb’ laj k’utunel sa’ li Dominkil Tzoleb’aal neke’roksiheb’ li loq’laj hu ut li tzol’leb’ taak’utmanq chiru li xamaan a’an sa’ Kim, Taaqehin (chi’ilmanq 13.3).

Li k’utuk jo’ li Kolonel a’an jun loq’laj k’anjel ut teneb’ahom. Naq nakak’ut li evangelio, taaqe li Kolonel, a’an li Nimla K’utunel. Eb’ laj k’utunel sa’ li Dominkil Tzoleb’aal neke’xtaaqe li na’leb’ wan sa’ Li K’utuk jo’ li Kolonel ut sa’ li ch’ol 17 re li Jolomil K’anjenel Hu (chi’ilmanq 17.1).

Re jalaak chiru li Jesukristo, li junjunq chi komon sa’ li Iglees teneb’anb’il sa’ xb’een xtzolb’al li evangelio xjunes rib’. Eb’ laj k’utunel ut laj jolominel teneb’anb’ileb’ chixwaklesinkil xch’ooleb’ li komon chixsik’b’al lix musiq’anb’il na’leb’ re te’xnaw chan ru xtzolb’al ut xk’utb’al li evangelio (chi’ilmanq 17.2).