Dagiti Pagrebbengan

Tumulong ti Sunday School a mangipatungpal iti aramid ti Dios iti pannakaisalakan ken pannakaitan-ok. Aramidenna daytoy babaen ti panangtulongna kadagiti annak ti Dios nga agsursuro ken agbiag iti ebanghelio ni Jesucristo (kitaen iti Sapasap a Handbook, 13.1).

Maam-ammo dagiti mannursuro iti Sunday School dagiti miembro ti klase, agraman dagiti saan a tumabuno kadagiti klase. Suportaran dagiti mannursuro dagiti miembro kadagiti panagreggetda nga agsursuro ken agbiag iti ebanghelio ni Jesucristo (kitaen iti 13.2.3). Dagiti mannursuro ket idadauluan ti panguluen ti ward Sunday School ken tumabunoda kadagiti miting ti konseho dagiti mannursuro iti tunggal tallo a bulan (kitaen iti 17.4).

Gagangay a maangay dagiti klase ti Sunday School iti umuna ken maikatlo a Domingo ti bulan. Agpautda iti 50 a minuto. Agduduma ti kadakkel ti klase maibatay iti kasapulan ti tunggal ward. Tapno makapagsagana a mangisuro, usaren dagiti mannursuro iti Sunday School dagiti nasantuan a kasuratan ken naituding nga adalen iti Umaykayo, Sumurot Kaniak (kitaen iti 13.3).

Ti panangisuro iti wagas ti Mangisalakan ket maysa a sagrado a panagtalek ken pagrebbengan. No mangisursuro iti ebanghelio, suroten ti pagwadan ti Mangisalakantayo, nga isu ti Apo a Mannursuro. Suroten dagiti mannursuro iti Sunday School dagiti prinsipio iti Teaching in the Savior’s Way ken ti kapitulo 17 ti Sapasap a Handbook (kitaen iti 17.1).

Tapno agbalin a napasurot iti Apo a ni Jesucristo, pagrebbengan ti tunggal miembro ti Simbaan a mangadal iti ebanghelio para iti bagbagida. Pagrebbengan dagiti mannursuro ken lider a mangparegta kadagiti miembro a mangsapul iti bukodda nga inspirasion maipapan iti no kasano nga adalen ken isuro ti ebanghelio (kitaen iti 17.2).