Ol Responsabiliti

Sandei Skul i help blong mekem wok blong God blong fasin blong sevem man mo fasin blong kam olsem wan god, i hapen. Sandei Skul i mekem hemia taem hem i helpem ol pikinini blong God blong oli lanem mo oli laef folem gospel blong Jisas Kraes (luk Jeneral Hanbuk, 13.1).

Ol tija blong Sandei Skul oli kam blong save ol memba blong klas, wetem olgeta tu we oli no stap kam long ol klas. Ol tija oli sapotem ol memba long ol hadwok blong olgeta blong lanem mo stap laef folem gospel blong Jisas Kraes (luk long 13.2.3). Sandei Skul Presidensi blong wod i lidim ol tija mo blong oli go tu long ol tija kaonsel miting long evri kwota blong yia (luk long 17.4).

Ol Sandei Skul klas oli stap tekples long evri fas mo nambatri Sandei blong manis. Oli stap blong 50 minit. Ol saes blong klas bae i dipen long ol nid blong wanwan wod. Blong stap rere blong tij, ol Sandei Skul tija oli yusum ol skripja mo ol lesen we oli putum i stap insaed long Kam Folem Mi (luk long 13.3).

Blong stap tij folem wei blong Sevya, i wan tabu tras mo responsabiliti we yumi gat. Taem oli stap tijim gospel, folem eksampol blong Sevya we hem i Masta Tija. Ol Sandei Skul Tija oli folem olgeta prinsipol insaed long Stap Tij Folem Wei blong Sevya mo japta 17 blong Jeneral Hanbuk (luk long 17.1).

Blong jenisim laef i kam long Lod Jisas Kraes, wanwan memba blong Jos i responsibol blong lanem gospel hemwan. Ol tija mo ol lida oli responsibol blong leftemap tingting blong ol memba blong lukaotem insperesen olgetawan abaot olsem wanem blong stadi mo tijim gospel (luk 17.2).