Përgjegjësitë

Shkolla e së Dielës ndihmon për përmbushjen e veprës së Perëndisë për shpëtimin dhe ekzaltimin. Këtë e bën duke i ndihmuar fëmijët e Perëndisë që ta mësojnë dhe ta jetojnë ungjillin e Jezu Krishtit (shihni te Manuali i Përgjithshëm, 13.1).

Mësuesit/et e Shkollës të së Dielës arrijnë t’i njohin anëtarët e klasave, përfshirë ata që nuk i frekuentojnë orët mësimore. Mësuesit/et i përkrahin anëtarët në përpjekjet e tyre për ta mësuar dhe jetuar ungjillin e Jezu Krishtit (shihni te 13.2.3). Mësuesit/et udhëhiqen nga presidenca e Shkollës të së Dielës të lagjes dhe marrin pjesë në mbledhjet tremujore të këshillit të mësuesve (shihni te 17.4).

Orët mësimore të Shkollës të së Dielës zhvillohen në të dielat e para dhe të treta të muajit. Ato zgjatin 50 minuta. Numri i personave në orën mësimore ndryshon në bazë të nevojave të çdo lagjeje. Për t’u përgatitur për të dhënë mësim, mësuesit/et e Shkollës të së Dielës përdorin shkrimet e shenjta dhe mësimet e planifikuara në manualin Eja, Më Ndiq (shihni te 13.3).

Mësimdhënia sipas mënyrës së Shpëtimtarit është një mirëbesim dhe përgjegjësi e shenjtë. Kur jepet mësim ungjilli, ndiqet shembulli i Shpëtimtarit, i cili është Mësuesi Mjeshtër. Mësuesit/et e Shkollës të së Dielës ndjekin parimet te materiali Mësimdhënia sipas Mënyrës së Shpëtimtarit dhe kapitulli 17 te Manuali i Përgjithshëm (shihni te 17.1).

Për t’u bërë i kthyer në besimin te Zoti Jezu Krisht, çdo anëtar i Kishës është përgjegjës për ta mësuar ungjillin vetë. Mësuesit dhe udhëheqësit janë përgjegjës për t’i nxitur anëtarët që të kërkojnë frymëzimin e tyre vetjak rreth mënyrës se si ta studiojnë dhe japin mësim ungjillin (shihni te 17.2).