Ngaahi Fatongiá

ʻOku tokoni e houalotu ʻa e Kau Finemuí ki he ngaahi ʻofefine ʻofeina ʻa e ʻOtuá ke nau teuteu ke foki ki Hono ʻaó. ʻOku tokoni ia ki he kau finemuí ke nau hoko ko ha kau ākonga ʻa Sīsū Kalaisi ʻi he kotoa ʻo ʻenau moʻuí ʻi heʻenau fakahoko mo tauhi ʻa e ngaahi fuakava toputapú mo fakaloloto ʻenau uluí. ʻI heʻenau ngaahi kalasí mo e ngaahi fakatahaʻangá, ʻoku nau tokoniʻi ʻa e niʻihi kehé ke fakahoko honau ngaahi fatongia ʻi he fuakavá, langaki ʻa e uouangatahá, pea ako mo moʻui ʻaki ʻa e tokāteliné. (Vakai, Tohi Tuʻutuʻuni Fakakātoá, 11.1.1.)

ʻOku teuteuʻi ʻe he sekelitali ʻi he Kau Finemui he Siteikí ʻa e “kongakau toʻu tupu” ʻa e ʻEikí ke tānaki fakataha ʻa ʻIsileli ʻo fakafou ʻi he kau ki he ngaahi ngāue ke langaki ʻa e tuí mo fakamālohia e fakafoʻituituí (vakai, Russell M. Nelson mo Wendy W. Nelson, “ʻAmanakiʻanga ʻo ʻIsilelí” [fakataha lotu fakamāmani lahi ʻa e toʻu tupú, 3 Sune 2018], Gospel Library). ʻOkú ne teuteuʻi ha ngaahi ʻasenita mo ha ngaahi lipooti, mo hiki ha fakamatala (vakai, 6.7.3).

ʻOku fakahinohinoʻi ʻe he sekelitali ʻi he Kau Finemui ʻi he siteikí ʻa e kau palesitenisī fakahoualotu ʻo e uōtí lolotonga e ngaahi fakataha ako fakatakimuʻa fakataʻu ʻa e siteikí (vakai, 29.3.4), kau ki he ngaahi fakataha fakapalesitenisī mo e ngaahi fakataha alēlea fakafekauʻakí ʻi hono fakaafeʻi ʻe he Fitungofulu Fakaʻēliá (vakai, 29.4), mo lea ʻi he houalotu sākalamēnití mo ha ngaahi tūkunga kehe ʻi hono fakaafeʻi ʻe he kau palesitenisī fakasiteikí.

ʻI he malumalu ʻo e fakahinohino ʻa e kau palesitenisī fakasiteikí, ʻe palani mo fakafekauʻaki foki ʻe he kau palesitenisī ʻo e Kau Finemui ʻi he Siteikí ʻa e ngaahi ʻekitivitī mo e kemi fakasiteiki ʻa e Kau Finemuí (vakai, 6.7.1.2). ʻE fealēlea‘aki fakataha ʻa e kau palesitenisií ke fokotuʻu ki he kau palesitenisī fakasiteikí ha ngaahi ʻekitivitī ʻoku fakatahaʻi ai ha ngaahi siteiki kehekehe (vakai, 20.3.1).

ʻOku maʻu ha ngaahi fakahinohino mo ha ngaahi tuʻutuʻuni lahi ange ʻi he konga 11.6 ʻo e Tohi Tuʻutuʻuni Fakakātoá.