Mga Responsibilidad

Ang Young Women organization ay tumutulong sa mga minamahal na anak na babae ng Diyos na maghandang bumalik sa Kanyang piling. Tinutulungan nito ang mga kabataang babae na maging habambuhay na mga disipulo ni Jesucristo habang gumagawa at tumutupad sila ng mga sagradong tipan at pinalalalim ang kanilang pagbabalik-loob. Sa kanilang mga klase at pagtitipon, ang mga kabataang babae ay naglilingkod sa kapwa, tumutupad sa responsibilidad sa tipan, bumubuo ng pagkakaisa, at natututuhan at ipinamumuhay ang doktrina. (Tingnan sa Pangkalahatang Hanbuk, 11.1.1.)

Inihahanda ng stake Young Women secretary ang “batalyon ng kabataan” ng Panginoon na tipunin ang Israel sa pamamagitan ng pakikibahagi sa mga pagsisikap na mapatatag ang pananampalataya at mapalakas ang mga tao (tingnan sa Russell M. Nelson at Wendy W. Nelson, “Pag-asa ng Israel” [pandaigdigang debosyonal para sa mga kabataan, Hunyo 3, 2018], Gospel Library). Siya ay naglilingkod sa stake council at stake youth leadership committee (tingnan sa 6.7.1.2), naghahanda ng mga agenda o talaan ng pag-uusapan at report, at nagsusulat ng mga pinag-usapan sa miting (tingnan sa 6.7.3).

Ang stake Young Women secretary ay nagbibigay ng mga tagubilin sa mga ward organization presidency sa taunang stake leadership meeting (tingnan sa 29.3.4), dumadalo sa mga presidency meeting at coordinating council meeting kapag inanyayahan ng Area Seventy (tingnan sa 29.4), at nagsasalita sa mga sacrament meeting at iba pang mga setting kapag inanyayahan ng stake presidency.

Sa ilalim ng pamamahala ng stake presidency, ang Stake Young Women presidency ay magpaplano at magko-coordinate rin ng mga aktibidad at camp ng Young Women sa stake (tingnan sa 6.7.1.2). Para sa aktibidad na kasama ang maraming stake, magkakasamang magsasanggunian ang mga presidency upang magrekomenda sa stake presidency ng mga combined activity (tingnan sa 20.3.1).

Ang mga karagdagang tuntunin at patakaran ay matatagpuan sa bahagi 11.6 ng Pangkalahatang Hanbuk.