Tiutetauave

O le faalapotopotoga a Tamaitai Talavou e fesoasoani i afafine faapelepele a le Atua e sauniuni e toe foi atu i Lona afio’aga. E fesoasoani i tamaitai talavou e avea ma soo o Iesu Keriso i le olaga atoa a o latou osia ma tausia feagaiga paia ma faalolotoina lo latou liua. I a latou vasega ma faapotopotoga, e auauna atu tamaitai talavou i isi, e faataunuu tiutetauave o feagaiga, fausia le lotogatasi, ma aoao ma ola i aoaoga faavae. (Tagai i le Tusitaulima Aoao, 11.1.1.)

E saunia e le failautusi o Tamaitai Talavou a le siteki le “vaegaau a le autalavou” a le Alii e faapotopoto Isaraelu e ala i le auai i taumafaiga e fausia le faatuatua ma faamalolosia tagata taitoatasi (tagai Russell M. Nelson ma Wendy W. Nelson, “Hope of Israel” [faigalotu a le autalavou i le lalolagi atoa, 3 Iuni, 2018], Gospel Library). E auauna atu o ia i le aufono a le siteki ma le komiti o taitai o le autalavou a le siteki (tagai i le 6.7.1.2), saunia lisi o mataupu talanoaina ma lipoti, ma tusi ni faamatalaga (tagai i le 6.7.3).

E aoao e le failautusi o Tamaitai Talavou a le siteki ia au peresitene o faalapotopotoga a uarota i le taimi o fonotaga faaletausaga a taitai o siteki (tagai i le 29.3.4), auai i fonotaga a le au peresitene ma fonotaga faamaopoopo a aufono pe a valaaulia e Fitugafulu Eria (tagai i le 29.4), ma lauga i sauniga faamanatuga ma isi nofoaga pe a valaaulia e le au peresitene o le siteki.

I lalo o le taitaiga a le au peresitene o le siteki, o le a fuafuaina ai foi e le au peresitene o Tamaitai Talavou a le Siteki ma faamaopoopoina gaoioiga ma tolauapiga a Tamaitai Talavou a le siteki (tagai i le 6.7.1.2). Mo siteki e tele, e fefautuaai faatasi au peresitene e fautuaina atu ai ni gaoioiga tuufaatasi i le au peresitene o le siteki (tagai i le 20.3.1).

O loo maua taiala ma aiaiga faavae faaopoopo i le vaega 11.6 o le Tusitaulima Aoao.